دیوانا مەلایێ جزیری/ب
دەستێ قودرەت کو هلاڤێت ژ بەژنا تە نقاب
edit| دەستێ قودرەت کو هلاڤێت ژ بەژنا تە نقاب | ب جەمالا جەبەرووتی مە نەمان پەردە و حجاب |
| ل گولێن تەی تەر و نازک کو سەحەر گرتی خوناڤ | د ئەباریقێ قنینان ژ حەسەد سۆهتی گولاب |
| عەینێ کافووری یە مەشرەب مە ژ حوسنا تە یە ساف | لەو ژ عشقا تە د دل دا مە ڤەبوو علمێ عوباب |
| مە ژ سەر چەشمەیێ حەیوان قەدەحەک سافی ڤەخوار | ناگهی لەززەت و زەوقا مە ب سەد جلدێ کتاب |
| لەو د چەنگێ مە دخوینی کو د عشقا تە ب ساز | مە ب بەژنا تە دخوینن نەی و قانوون و رەباب |
| قەهوەیا تەلخێ دگەل زەهرا هەلاهل بدەری | مە ژ دەستێ تە موبارەک شەکەرامێزە گولاب |
| قولزەمێ عشقێ ژ بایێ خوە موخالف دەمەکێ | د هەماماتێ عەجاجێ مە ل سەر دەستێ غراب |
| سەحەرێ خوزرێ عنایەت کو برین چەشمەیێ دل | ب جەهانێ مە نەزەر دا کو جەهان عەینی سەراب |
| ب حەبابێ مەبە مەغروور وهە سەرگەشتە مەلا | با ڤ بەر کەفتیە وێ بەیهودە سەرگەشتە حەباب |
| وە یە هودهود ژ سەبا بێت و بزانین چ یە حال | کو ل حالێ مە غەریبان نە سوئال و نە جەواب |
| هەردو برهێن تە نە محراب چ یمان و چ کوفر | بوود و نابوود کو یەکن ئەڤ چ سەواب و چ عقاب |
| وەرە نیشانێ نشانی دە خوە بێپەردە سەحەر | لێ ژ خوینێ بکە پەرهیز کو شەهیدان چ حساب |
لِله الحَمد ژ یارێ مە د دەست جامە لەبالەب
edit| «لِله الحَمد» ژ یارێ مە د دەست جامە لەبالەب | ژ لەبێ نۆشێ پەیاپەی د دل ئلهامە لەبالەب |
| د ریا وان خەت و خالان کو نە حەرفێن قەلەمێ نە | مە ژ فەیزا تە یە مەستانە رەوان چا مە لەبالەب |
| مەستێ شەهکاسێ مەیا جەزبەیێن رووحی ددین | رووح دزانت کو ژ بەر لەززەتێ عشق مامە لەبالەب |
| نێرگزا مەست ژ بالا چەمەنا سونبول و گول تێ | قەدەحێ تازە ب دەستێ خوە مەشی دا مە لەبالەب |
| وەحدەتێ سرفە مە مەشرەب تە چ ئکسیرێ وجوود | ئەم لەبالەب چ لەبالەب ب خوە هەم جامە لەبالەب |
| شەمع و پەروانە ب زاتێ خوە ژ حالێ مە د دوورن | ئاتەشەک سرفە ژ عشقا تە ڤەوەستا مە لەبالەب |
| قەدەحەک تازە ژ عشقێ د ئەزەل دا مە حەکیمی | ژێ دنۆشین هەی و هەی هێ ب خوە جاما مە لەبالەب |
| جارەکێ گۆهتە نشانی نە مەلا یی وەرە بانی | ئەڤ دخواست مە ژ دل و جان دەهەن و کامە لەبالەب |
| تە دزانم تە دبینم کو تو یی نوورا ووجوود | ئەللاهـ ئەللاهـ ژ چ نوورە د سەرایا مە لەبالەب |
| ژ عنایەت نەزەرێ خاسسە کو هەر مەسرەع و بەیتەک | قەدەحێن ئابا حەیاتێ نە د شعرا مە لەبالەب |
شاهـ ب قەسدا کوشتنا من
edit| شاهـ ب قەسدا کوشتنا من رم هەژاندن بێسەبەب | دا مە چەشمێ قەهر و خەشمێ رم ل دل دا گۆ ئەدەب |
| کوشتییێن دیدار و دینێ بێخەتا هەر دەهـ سەدن | هەر سەحەر دیسا ژ نوو وێن تێنە کێرێ سەد جەلەب |
| دێ ژ چەرخێ پەنجومین بێتن تەنەززول کت مەریخ | مسلێ شەمسێ گەر کشینیتن ل وان تیغێن غەزەب |
| هەر مەجالا ئەو د جەنگێ بێت و رەت هەر جارەکێ | راست و چەپ دێ بێختن سەد سەد ب مزراق و قەسەب |
| روستەم و جەمشید و خالد، حەمزە یان شێرێ عەلی | ئافەرین یا شەهسوارێ تورک و رمبازێ عەرەب |
| لێ ل تۆلێ ئاستانێ چخ ب وان لەعلان کرن | دەرگەهێ فەتحێ ڤەبوو ئیرۆ ل مەهجووران عەجەب |
| بەندەیێ سادق سەحەر ئامانجێ رەشتووزێن خوە کر | من ب قەولێ دژمنان دت بەر خەدەنگان بێسەبەب |
| لەشکەرێ قەهر و غەمان وێ چوون حسارا دل بکن | کەعبە و بەیتو ل-حەرامە لێ ب نوور بێتن رەجەب |
| سوفتییێن پوڕ لەعل و مەرجانان ب موژگانان حەتا | دیدە رەوشەن بوون ب دینا دێمدورێ سیمینغەبەب |
| ئێ ڤ غوزری را دڤێت ئاڤا حەیاتێ بت نەسیب | دێ ب سەعی و جەهدێ یەکسان بن ل بال وی رۆژ و شەب |
| خدمەتا پیرێ موغان دێ کت کەسێ مەقسوودە مەی | شیشە و جاما زوجاجێ ئێ دڤێت دێ رەت حەلەب |
| جەورێ هندی دێ کشینت هەر کەسێ تاوووس دڤێت | گەوهەر و دوررا یەتیم بێ تەرکێ سەر تێتن تەلەب |
| غەفلەتی ئەو کەششفی شیر دەست ب دەست هاتن جەگەر | گۆ غەبینەت یا مەلا مسکین مە لێ کەر کر کەزەب |
من د دل کۆڤان هەزارن داغ و کەیبەر بێحساب
edit| من د دل کۆڤان هەزارن داغ و کەیبەر بێحساب | محنەتا وەردێن ب خارن وێن د دل دا سەد نشاب |
| سەد نشابن من د دل ئیرۆ ژ خارێن سۆرگولان | یەک ب یەک پەیکان چەڤی بوون چوونە جەرگێ دا کولاب |
| پوڕ ب وان جورحان خوە تێرن لەو کو دی دەرمان دکر | شەربەت و ئاڤا حەیاتێ شەککەر و قەند و گولاب |
| گەر دوسەد پەیکان د نێڤا دل ب وان دێ خوەش بوان | هەر دەما کەوکەب بدینا نەجم و پەروین بێحجاب |
| زەهرە و عقدا سورەییا کەششفی بوون ئەو د شەرق | سایەیا بەختێ مە دایێ ما ل سەر پەردە و نقاب |
| واژگوون دەورێ نوما من چەرخ و بایێ لەولەبان | کەوکەبان سەیرا موخالف گرت و تێکل کر حساب |
| ڤێک کەتن شەمس و زوحەل ئیرۆ د بورجا عەقرەبێ | سەیف چوو دەستێ مەریخێ مولکێ دل لەو بوو خەراب |
| لەو تەنەززول کر مەریخێ نۆبە چوو دۆرا زوحەل | چوو تەرەف مهرا سپهرێ نەززلی عەردان عەزاب |
| لەو ب شەش برجان عەتارد ژ ئافتابێ دوور بوو | لێ زوحەل بوو موشتەری ئاڤێتە چەرخێ ئنقلاب |
| شەووشی نەزما نوجوومان هەیئەتا چەرخ و بورووج | لەو ل وەزعەک دەرنەتێتن ماهـ و زوهر و ئافتاب |
| مونقەلب من دی مەنازل ڤاژی ئەو سەیرێ دکن | یەک ب یەک خوین ژێ دبارن ئاتەش و لەمع و شهاب |
| زوهرەچەنگێ ئەڤ سوواژ دی ئەو ژ چەنگ ئاڤێتە چەنگ | خوەش ل پێ قانوونێ وێ گوهـ دە تو قانوون و رەباب |
| ئەز دبێم ئاخرزەمانە دێ قیامەت رابتن | لەو شەڤا تاری کشاندی یوو نەهشت ئەسوەد غوراب |
| خوەش ل من عالەم سیاهـ ما ستێر و کەوکەب قەت نەمان | ئەز ژ ڤێ رۆژێ دترسام ئاخری زوو کر شتاب |
| ئەڤ نە ئەو ئقلیمە یا شەمس و کەواکب تێ ب سەیر | ئەز نە وێ عەردێ دبینم یا کو لێ ئەو ماهتاب |
| جنن و تەییارەک مە دی وەربوو د من وندا کرم | دامە بەر پەنجە و کولابان هلفراندم وەک عوقاب |
| سوفلەوی ینام و ئاڤێهتم زەمینا زولمەتێ | لێ کو هشیارم گەلۆ یان خەونە من دیتی ب خواب |
| دێوێ مەلعوون و مونافق ئێ خودێ روورەش کری | ما ب بالا هلکشێتن عاقبەت چی بت سەلاب |
| ئەهرەمن تەعلیم دابوو ئەبیەزی دەست تێ هەبوو | پوڕ ب ڤێ تەعلیم و رایێ هاتبوو چووبوو ختاب |
| سورپەری عللەت نزانی سحرەیا ئەبیەز دکت | پوڕ غەلەت ئەرزان مە دی دەرحەق خوە ئەو عالیجەناب |
| ئاهـ ئەییامێن وسالێ وەکۆ خوەش بۆرین و چوون | ئەو شەرابا عێش و نۆشێ ما ل پێشبەر من سەراب |
| شەربەتا شیرینلەبان زەهرا هەلاهل بوو د ناڤ | لەو ب نارێ فورقەتێ ئاخر ل من دل کر کەباب |
| هودهودەک خوەشتەبع من ئیرۆ دڤێ هەروەک نەسیم | دا ب بال دلبەر هنارا بانیا دیسا جەواب |
| عەرز و حالێ من بگۆتا یێ ب عنوانێ ئەدەب | ئاستان بکرا زیارەت چەتر و سەیوان و تەناب |
| دا د چەشمان من وەرینا خاک هەروەک تووتیا | یا حەبیب پێ لێ نهای بانییا وی ئەو توراب |
| هەر کەسێ رابی د بەحسێ جارەکێ مەهدەر بکت | خەیرێ هەفتی حەج ددێرت بەلکۆ بهتر ئەو سەواب |
| وەعدە دابوو دێ شەهید کم وی ب شیرێ خوەی شەریف | ما نەبی ئیرۆ پەشیمان ئەو ژ تەدبیرا سەواب |
| شەرحێ حالێ من مەلا نارت بەیازێ هێ تەمام | ڤێ سەوادێ گەرچ هەردەم ژێ برن سەد ئنتخاب |