دیوانی بێخود/ێ

by بێخود

1

کە پرسیم ساڵی تەئریخی زەفافی قُرَّةُ العَيْنم

خیرەد دەرلەحزە فەرمووی: کاری خێری لێ موبارەک بێ

2

لە ئەسبابی فەرەح ساڵۆنی بەزمت پڕ تەدارەک بێ

شەوت هەر ڕۆژ و ڕۆژت جەژن و جەژنت لێ موبارەک بێ

3

ئەگەر مەیلت لە دڵ دەرچێ هەتا ڕۆژی جەزا بێخود

جەزای ئەو بێ وەفایە ڕەببی دەردی بێ وەفایی بێ

4

هەرچەندە دەوای سەد دڵە لەو پەرچەمەت تەڵێ	ئەم پەندە تۆ لە من ببیێ و هیچ قسەش مەڵێ
لەم بەزمی موسکیراتە دلێرانە زوو هەڵێ	قەی کردنی سوراحی، ئەگەر تێ بگەی، ئەڵێ
دڵ تێکەڵاتنە لەگەڵ ئەم خەڵقە تێکەڵی...