دەردی کۆمەڵایەتی
تیاترۆی ئێرەو گشت ئینتزامی | ئێستا هاتۆتە سەرگەمەی ڕامی |
بڵاو بۆتەوە لە ناو خاس و عام | جۆکەریان کردە وێردی سوبح و شام |
گەر بێ خەبەری فەرموو بیبینە | شەوێک بچۆرە چاخانەی مینە |
ئەوسا ئەبینی لە هەموو لایەک | هەرچەند کەسێکە و چوونە پەنایەک |
دەوری کاغەزیان داوە و دانیشتوون | بۆ وەسڵی جۆکەر شێت و شەیدا بوون |
خەریکی یارین هۆشیان نەماوە | ملیان کووڕ بووە و پشتیان چەماوە |
هەر زرم و هووڕ و هەراهەرایە | سەیرێکی خۆشە وەک سینەمایە |
بڵێ: لە «الحمد» ئەم گەلی کوردە | بۆ شتی بێ فەڕ بەدەستوبردە |
نیفاق و فیتنە و جاسوسی و قومار | تیایا شارەزان وەکوو دانی مار |
ئەنجا بێینەوە سەر یاریکەران | هەر دەستەی بەجیا بۆت بکەم بەیان |
تێکەڵ بەیەک بوون وەک چێشتی سواڵکەر | تاقمێک مەئموور، سدارە بەسەر |
یەکێک مدیرە و یەکێک محاسب | یەکێک موعەللم، یەکێک باشکاتب |
ئەمڕۆ لەوێدا وەکوو مەئموورە | کۆڕیان دێتە جۆش بە چەشنی کوورە |
لە هەوەڵی مانگ تا پێنج و شەشی | هەر لەسەر پارە ئەکرێت دووبەشی |
بەڵام برادەر کە هەشت و نۆی دێ | گووی سەگ بەحاڵی هەر خۆی بە خۆی بێ |
ئەنجا قەرز ئەکا پارە لەم و لەو | لەبەر قەرزاری خۆ نانوێ بە شەو |
بەم نەوعە لات بوو پارەی نەماوە | یارییەکەی دێتە سەر چایی و قاوە |
بە کورتی، دائیم پەست و غەمبارە | بێ قەدر و قیمەت، سووک و قەرزارە |
دەستەیەکی تر ئەویش تجارە | سلکی کاسبی و ئەهلی بازاڕە |
بە ڕۆژ هەوڵ ئەدەن بەو حاڵە پیسە | بە سەد ئۆین و سوێند و دەسیسە |
دەستی خەڵک ئەبڕن شتێک ئەفرۆشن | کە شەویان لێهات وەها بەجۆشن |
لێکی بەرەوە و چاکی بزانە | ئەمە ئەحواڵی موجتەمەعمانە |
من ڕێگەی یاری ناگرم بە کوللی | با بکرێت بەڵام بە موعتەدلی |
ئێمە قەومێکین وا لە ژێر بارین | حەیفە ئەوەندە خەریکی یارین |
جارێ با خۆمان دەرکەین لە وەحشەت | ئەوسا دەس بەنە ئەسبابی عوشرەت |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse