دەنگی یار مەیۆ

دەنگی یار مەیۆ  (1849) 
by سەیدی
دەنگی یار مەیۆ، دەنگی یار مەیۆ هەی داد، هەی بیداد، دەنگی یار مەیۆ
سەدای ناڵە و ئاخ دەردەدار مەیۆ دەنگی ناڵینش، پڕ زگار مەیۆ
ئێشەو کەیفی من چوون هەر شەو نیەن ئەو دیدەی مەستش، جۆیای خەو نیەن
ئێش دیدەشەن، دیدەم بێ کەیفەن دیدەی بەد ئێشۆ، دیدەی یار حەیفەن
یا موعجیزەی دەست مەسیحای «مریەم» ئێشی دیدەی یار ئێشەو ببۆ کەم
جەو ساوە یاران، دیدەی یار ئێشان... جە لای خواوە ئێشش من کێشان
«شیرین» مەناڵۆ، ئێشی چاوشەن سەیدی نە ڕۆ خورد، نە شەو خاوشەن

This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse