رانجھا آکھدا بھابیو ویرنو نی
رانجھا آکھدا بھابیو ویرنو نی
تساں بھائیاں نالوں وچھوڑیا جے
خوشی روح نوں بہت دلگیر کیتا،
تساں پھل گلاب دا توڑیا جے
سکے بھائیاں نالوں وچھوڑ مینوں
کنڈا وچ کلیجے دے پوڑیا جے
بھائی جگر تے جان ساں اسیں اٹھے،
وکھو وکھ کر چا نکھوڑیا جے
نال ویر دے رکتاں چھیڑ بھابی،
سانوں میہنا ہور چموڑیا جے
جدوں صفاں ہو ٹرن گیاں طرف جنت
وارث شاہ دی واگ نہ موڑیا جے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse