رانجھا ویکھ کے آکھدا پری کوئی
رانجھا ویکھ کے آکھدا پری کوئی
اکے بھانویں تاں ہیر سیال ہووے
کوئی حُور کہ موہنی اندرانی ہیر
ہووے تاں سیاں دے نال ہووے
نیڑے آئی کے کالجے دھا گیوس
جویں مست کوئی نشے نال ہووے
رانجھا آکھدا ابر بہار آیا
بیلا جنگلا لالو ہی لال ہووے
ہاٹھ جوڑ کے بدلاں ہانجھ بَدھی
ویکھاں کیہڑا دیس نہال ہووے
چمکی لیلتہ القدر سیاہ شب تھیں
جس تے پوے گی نظر نہال ہووے
ڈول ڈال تے چال دی لٹک سُندر
جیہا پیکھنے دا کوئی خیال ہووے
یار سوئی محبوب تھوں فدا ہووے
جیو سوئی جو مُرشداں نال ہووے
وارثؔ شاہ آئے چمبڑی رانجھنے نوں
جیہا گدھے دے گل وچ لعل ہووے
|
This work was published before January 1, 1929, and is in the public domain worldwide because the author died at least 100 years ago. |