| زوهرەی سوب سەڵات، زوهرەی سوب سەڵات
|
زوهرەی وەقت ڕۆ وادەی سوب سەڵات
|
| پێشڕەۆ خاوەر کۆگای خەم خەڵات
|
هەرگیز نەوینی قیبلەی دوور وڵات
|
| تۆ خۆ نە زومرەی سەعد ئەختەرانی
|
تەماشاچی حوسن پاک نەزەرانی
|
| فێشتەر نەزارەت وە ڕووی پاکانەن
|
تەماشات وە شەوق شەرەفناکانەن
|
| هەر ڕۆ سوبح چارەی سافان مەوینی
|
میوەی نۆ جەڕەنگ پاکان مەچینی
|
| سیرەت و سوورەت تەتارانەوە
|
وە نوور جەماڵ نازارانەوەن
|
| تا خۆر نە ڕووی بورج بەرمەشۆ چون تەیر
|
نە گوڵباغچەی حوسن پاکان مەکەی سەیر
|
| هەرگیز مەوینی نوور دیدەی من
|
شەم شادی و زەوق بەرگوزیدەی من
|
| نە ئەو جە زومرەی جەمین سافانەن
|
شەم سۆی چراغ عێڵ جافانەن
|
| فیدات بام سەد جار زوهرەی وەقت ڕۆ
|
تۆ بەو مەمانی ئەو بە شێوەی تۆ
|
| چون نەکەردت سەیر ئەو مەلەک چارە
|
تەماشای ئەو حوسن مەر وە تۆ عارە
|
