ساربانا! مہربانا! راہیا!
ساربانا! مہربانا! راہیا!
شالا جیویں خیر تھیوی ماہیا
آکھِیں جا اُنہاں پیاریاں دل جانیاں
گُوڑھے نیناں والیاں مستانیاں
لا پریتاں دے کے لارے اوہ گئے
او گئے اوہ دل دے پیارے اوہ گئے
سالا عالم صدقے آکھاں بول تُوں
واراں سِر میں اس انوکھڑے ڈھول تُوں
بِن تُساڈے ہر گھڑی سو سال دی
بہہ ٹھکانے پئی تُساڈے بھال دی
اِک وچھوڑا دوجے طعنے جگ دے
پَیراں تھیں سر تک المبے اگ دے
بالدی دیوے پئی خانقاہاں تے
آوندا ویکھاں ڈھولا اِنہاں راہاں تے
چشماں فرش وچھاواں خاطر ڈھول دی
مرحبا یا مرحبا پئی بول دی
پہنچیں جد تُوں سوہنیاں دی جھوک تے
خیر ہووی اُنہاں نوں ذرا روک تے
جا سنہڑا دیویں اُنہاں جانیاں
گُوڑھے نیناں والیاں مستانیاں
بُھلدے نہیں اوہ بول مِٹھڑے ڈھول دے
بول سانول یار روہی رولدے
رات ساری گُزری تارے گِندیاں
یاد کر کر قول میزاں مِندیاں
|
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator. | 
|