ساڈا حسن پسند نہ لیاوناں ایں
ساڈا حسن پسند نہ لیاوناں ایں
جا ہیر سیال وواہ لیاویں
واہ وننجھلی پریم دی گھت جالی
کائی نڈھی سیالاں دی پھاہ لیاویں
تیں تھے ول ہے رناں ولاونے دا
رانی کوکلاں محل توں لاہ لیاویں
دینہ بوہیوں کڈھنی ملے ناہیں
راتیں کندھ پچھواڑیوں ڈھاہ لیاویں
وارث شاہ نوں نال لے جائےکے تے
جیہڑا داؤ لگے سو ای لا لیاویں
|
This work was published before January 1, 1929, and is in the public domain worldwide because the author died at least 100 years ago. |