سجده‌دیر هر یئرده بیر بوت گورسم آیینیم منیم
| سجده‌دیر هر یئرده بیر بوت گورسم آیینیم منیم یازار: محممد فوضولی |
سجده‌دیر هر یئرده بیر بوت گورسم آیینیم منیم
خواه کافر، خواه مومین توت، بو دور دینیم منیم
باغبان، شیمشاد و نسرین‌ین منه عرض ائتمه کیم
اول قد و روخسار دیر شیمشاد و نسرینیم منیم
خاک-ی درگاهین نظردن سورمه ای سیلاب-ی اشک
قیلما ضایئع سورمه-ی چشم-ی جهان بینیم منیم
اشک موجی گزدیرر هر یان تن خاشاکیمی
ممکن اولماز اشک تحریک ائیله تسکینیم منیم
چاره اومدوم لعل-ی شیرین‌ین دن اشک-ی تلخ‌یمه
تلخ گفتارایله آلدین جان-ی شیرینیم منیم
من ده ساکن اولدو درد عشق، مجنوندان کئچیب
اوندان آرتیق دیر مگر عشق ایچره تمکینیم منیم
ای «فوضولی»، هر یئتن طعن ائیلر اولدو حالیمه
بو یئتر اهل-ی ملامت ایچره تحسینیم منیم