| حەمید ئاوەردن بەشار خەتا
|
بەردن بە خدمەت ئەلیاس پادشا
|
| حەمید مەلاح چون شازادە دی
|
بە ئاواز بەرز نە ئەلیاس غوڕی
|
| واتش ئەی ئەلیاس مەر شەرمت نییەن
|
تۆ شار دەمشق نەیادت شییەن
|
| تو ئەر شازادە بدەری سزا
|
قەسەم وە بێ چون یەکتایی خودا
|
| خەبەردار مەبۆ عەبدورەحمان شا
|
پەری و جن ماوەرو بەی جا
|
| خورشید عالەمگیر خێڵ حەڵەب شار
|
هەر چوار قولەی قاف مەیۆبەی دیار
|
| هەرچێ سپات هەن گشت بەرباد مەبۆ
|
شار و مەملەکەت گشت وێران مەبۆ
|
| ئەلیاس جە سوخەن حەمید پێچ وەردن
|
فەرما شازادە بەزیندان بەردن
|
| جەی گفتوگۆ بین شاهـ و شەهریار
|
ناگا جە هەوا دەستێ دا دیار
|
| دەست بەرد کە یەقەی شازادە گرتش
|
بەرد بەڕووی هەوا دەرساعەت بەردش
|
| ئەلیاس ئێدش دی کێشا ئاهـ سەرد
|
خەیلێ خۆف سەخت بەدەروون ئاوەرد
|
| وات مەلیک تووفان چ کارێ کەردیم
|
بەدەست وێما ئەجەل ئاوەردیم
|
| خان محەمەد واتش ئەرێ ئەلیاس شا
|
وەقتەن پەری و دێو بەیۆ بەئەی جا
|
| موڵک و ماڵ و شار مەکەران خەراب
|
جەرگت مەدەران نەسیخ کەباب
|
| ئەلیاس چون شنەفت جەرگش بی بوریان
|
هەم خان و حەمید بەردن بەزیندان
|
