سیروان سەرعی سەودای نیگاران
| سیروانی سەرعی، سەودای نیگاران! | دێوانەی دەردین دیدە خەمباران! |
| لێوەی دەروون لێڵ، وێڵی نازاران! | شارەزای شاڕای عەشقی دڵداران! |
| گوزەرگای گرۆی ئاهوو ڕەفتاران! | شەیدای غەمگوسار کریشمەداران |
| ئاهووی سەر دەلیل سپی تەتاران | ها کەردەن هەوای سەیر کۆساران |
| ڕاسەن شۆر عەشق یار جیلوەدار | جە دەستت وەردان ڕشتەی ئیختیار |
| بەڵام جە تەقدیر باریی کەرەمدار | بیت وە گوزەرگای شۆخان نازار |
| ڕجام هەن جە لات لادێ تامڵ کەر | تا گوزەر کەرۆ غەزاڵەی دڵبەر |
| نازک ئەندامیش چون جە حەد ڕەدەن | مەعلوومەن جە لات تەسدیعش بەدەن |
|
This work was published before January 1, 1929, and is in the public domain worldwide because the author died at least 100 years ago. |