شاھ جو رسالو/V

by شاھ عبداللطيف ڀٽائي

←IV

شاھ جو رسالو  (1866)  by شاھ عبداللطيف ڀٽائي, edited by ارنيسٽ ٽرمپ (1828-1885) V. سَامُونْڐرِي

VI→

فَصُلُ پِھِروْن

بيت - 1
پَڰَھَہ پَاسٖي گهَارِ آيَلِ سَامُونْڐرِنِ جٖي
وِجهِي جيئُ جَنْجَارِ جِمَ وَنْڄنِي اُھِرٖي.

بيت - 2
پَڰَھَہ پَاسٖي پُچهُہ آيَلِ سَامُونْڐرِنِ جٖي
مَنَ مٖين ٻَارٖي مَچُ جِمَ وَنْڄنِي اُھِرٖي.

وائي
آيَل کَريَان کينئَ مُنْھِن جوۡ نِينْهُہ اَپَلِئَو نَہ رَھٖي
وِئوۡ وَٺْجَاروۡ نِکِري مُون کهٖي چَاڙهٖي جِينئَ
مُنْھِن جوۡ نِينْهُہ اَپَلِئَو نَہ رَھٖي
اُڎوۡھِيَ جَان ڎُکهَٺَا چَڙهِيَا چوٿِيَ سِينئَ
مُنْھِن جوۡ نِينْهُہ اَپَلِئَو نَہ رَھٖي
گُونْدَرَ مَتهَان جِنْدُڙٖي وَرِيَا وَلِنِ جِنيئَ
مُنْھِن جوۡ نِينْهُہ اَپَلِئَو نَہ رَھٖي
مَادَرِ پَائٖي مَنْدِيُون وَنْڄَان ھَادِيَ سينئَ
مُنْھِن جوۡ نِينْهُہ اَپَلِئَو نَہ رَھٖي

فَصُلُ ٿِرئون

بيت - 17
ڎِتهِيۡ ڎِيَارِي سَامُونْڐرِنِ سِڙھَہ سَنْبَاھِيَا
وِجهِيوۡ وَرَ وَنْجهَہ کهٖي رُنٖي وٖيچَارِي
مَارِينْدُءِ مَارِي پِرِھَہ سُورُ پرِيَنِ جوۡ.