شفا-یی وصل-ی قدرین، هیجردن بیمار اولاندان سور

شفا-یی وصل-ی قدرین، هیجردن بیمار اولاندان سور یازار: محممد فوضولی

شفا-یی وصل‌ی قدرین، هیجردن بیمار اولاندان سور
زولال ذوق شوقون، تیشنه‌یی دیدار اولاندان سور

لبین سیررین گلیب گوفتاره، من‌دن اؤزگه‌دن سورما
بو پونهان نکته‌نی بیر واقیف‌ی اسرار اولاندان سور

گؤزو یاشلی‌لارین حالین، نه بیلسین مردوم‌ی غافیل؟
کواکیب سیررینی، شب تا سحر بیدار اولاندان سور

خبرسیز اولما فتتان گؤزلرین قئیدین چکن‌لردن
خبرسیز مست‌‌‌‌‌لر بیدادینی، هوشیار اولاندان سور

غمین‌دن شمع تک یاندیم، صبادان سورما احوالیم
بو احوالی شب‌ی هیجران، منیم‌له یار اولاندان سور

خراب‌ی جام‌ی عشقم، نرگیس‌ی مستین بیلیر حالیم
خرابات اهلینین احوالینی، خمٌار اولاندان سور

محببت لذتین‌دن بی‌خبر دیر زاهید‌ی غافیل
فوضولی، عشق ذوقون، ذوق عشقی وار اولاندان سور