شیرین بەینت بەست
| شیرین بەینت بەست ... | مەر یادت مەیۆ، ئەوڕۆ بەینت بەست؟ |
| دەستی ڕاست نیای بانی دیدەی مەست | تەبەسومت کەرد، لیوی لەعلت گەست |
| من بەو شەرت و بەین بەستەی هەر جاران | تۆم کەرد وە سەنەم، وێم چوون ڕەهبانان |
| مەزهەبی میللەت مەسیحای مەریەم | دەردم، دەر ساعەت، ئاوەردم بەهەم |
| زاهیدان زانان، زاهیر بی نە عام | شیرین بەندەیۆش سەندەن پەی غوڵام |
| ئیسە یە چێشەن؟ موژەت شەڕ دارۆ | جە چارەت غەزەب، عەزا مەوارۆ |
| بێزاریت واستەن، جەی کەمتەر بەندە | غوڵامی جە وێت کەردەن ڕەوەندە |
| حەیفم هەر ئیدەن، حووری حوورلەقا | شەرت داران وانان تۆ وە بێ بەقا |
|
This work was published before January 1, 1929, and is in the public domain worldwide because the author died at least 100 years ago. |