شەوێ شەریفتەر جە سوبحی نەورۆز
| شەوێ شەریفتەر جە سوبحی نەورۆز | ڕەوشەنتەر جە زوڵف، ماهی دڵ ئەفرۆز |
| ئاسمانان یەک یەک پرشنگ مەشانان | مەلەکان جە عەرش لاحول مەوانان |
| هەر جە وادەی شام، تا وە سوب سەڵات | بوڵبوڵ مەوانا بانگی یا حی وات |
| ستارە جە بورج بە جەولان کەری | زوهرە موقابیل بورجی موشتەری |
| دڵ وە مەیل یار شیرین تەدارەک | هەوا فەرەح بەخش، ساعەت موبارەک |
| دڵ بەندی زنجیر زوڵفی گرنج بی | دوو لەب میوەچین نارنج نارنج بی |
| درێغا ئەو شەو تا وە سوب سەحەر | لەب وە بانی لەب تا یوم المحشر |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse