قبیلەم فیراقت، قبیلەم فیراقت
| قبیلەم فیراقت، قبیلەم فیراقت | ئەرامم سەندەن سەوادی فیراقت |
| دڵ قەقنەس ئاسان جە ئیشتیاقت | تاقەت تاق بییەن پەی ئەبرۆی تاقت |
| دوور جە قامەتت قیامەت خێزان | هیجرت شەرارەی جەهەنم بێزان |
| کارێ پێم کەردەن مەحروومیی ڕازت | نەکەردەن وە دڵ نیم نیگای نازت |
| قەدر عافیەت وەسڵت نەزانام | شوکرانەی شەکەر ڕازت نەوانام |
| سا غەم کۆی شادیم باد وە باد شانۆ | تەمام ئینتیقام وەسڵت جێم سانۆ |
| خاس خاس جە شیددەت نائیرەی دووری | وە کۆی نوورە کەرد سەرتاپای نووری |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse