قیبلەم نەکێشۆ
| قیبلەم نەکێشۆ ... | سەرێ کە سەودای خاڵت نەکێشۆ |
| خاترێ بە غەم، تۆ، نەیەندێشۆ | بە زامی ناواک، سوب سەحەر ئێشۆ |
| سەرێ وەلای تۆ سەر نەدۆ شەوان | پایێ کە نەیۆ وەلات وە دەوان |
| ئەو سەر سەرنگوون گڵکۆی تازە بۆ | ئەو پا گەستەی مار بێ ئیجازە بۆ |
| دیدەی نەوینۆ هەر سەحەر ڕەنگت | زوانێ هەر شەو نەبۆ هام دەنگت |
| ئەو دیدە ئەسرش بێ مدارا بۆ | ئەو زوان بە سەنگ سیای سارا بۆ |
| دەستیۆ نەکەرۆ سەیرانی باخت | نەکەرۆ خزمەت بەرزی دەماخت |
| ئەو دەستە بەستەی جەلادی گەور بۆ | هەر ڕۆ جە نۆوە سزاش بەی تەور بۆ |
| قیبلەم دووری تۆ یەکجار منش کوشت | بیللا بەی تەور بۆ بێزارم جە گشت |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse