لب پہ آئی ہوئی یہ جان پھرے
لب پہ آئی ہوئی یہ جان پھرے
یار گر اس طرف کو آن پھرے
چین کیا ہو ہمیں جب آٹھ پہر
اپنے آنکھوں میں وہ جوان پھرے
خون عاشق چھٹا کہ ہے لازم
تیرے تلوار پر یہ سان پھرے
ساقیا آج جام صہبا پر
کیوں نہ لہراتی اپنی جان پھرے
ہچکیاں لی ہے اس طرح بط مے
جس طرح گٹکری میں تان پھرے
یا تو وہ عہد تھے کہ ہم ہرگز
نہ پھریں گے اگر جہان پھرے
آئے اب روکے ہو معاذ اللہ
آپ سے شخص کی زبان پھرے
روٹھ کر اٹھ چلے تھے انشاؔ سے
بارے پھر ہو کے مہربان پھرے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse