لکه کلۍ چې په اغزو کښې وينم
لکه کلۍ چې په اغزو کښې وينم
داسې مې زړه ستا په بڼو کښې وينم
رخسار دې وينم تورو زلفو کښې ستا
لکه رڼا چې په تيارو کښې وينم
ګل فامه څو که لرې اوسې له ما
زه دې د نم په پلوشو کښې وينم
د ستا ليدل تير شوی خوب وه اشنا
بيا به دا خوب په کومو شپو کښې وينم
ای د سبا سترګې را خېژه په ورو
تله د اشنا دې په ختو کښې وينم
زما خاطر خاطر دې اور کښي وسو
اوس يې لوګی په اسوېلو کښې وينم
|
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator. | 
|