لە بینینی ئاڵادا
| سەد شوکور وا من نەمردم تا کە دیم ئاڵای کورد | کەوتە بەر چاوم بە بەرزی، سووڕەت و سیمای کورد |
| باز بوو، دوورابوو دیدەی نەرگسی شەهلای کورد | مژدە بێ ئەمڕۆکە بەربوو چاوی پڕ بینای کورد |
| هەر بژی ئاڵای کورد و پێشەوای زانای کورد | |
| بانگ کەنە ئەڕواحی پاکی ئەردەڵانی نەڕڕەشێر | یا بڵێن: کاوە لە کوێی؟ ڕۆژێ هەزار یادت بەخێر |
| بێننە بەرچاوی خۆتان هەڵمەتی زەندی دلێر | هەر بڵێن ئەم شێعرە، ئەهلی کۆهسار و گەرمەسێر |
| هەر بژی ئاڵای کورد و پێشەوای زانای کورد | |
| چەن زەمانێکە ئەسیر و ژێرچەپۆکەی عالەمن | سەرکز و بێ قیمەتی بەرچاوی زادەی ئادەمن |
| دیلی زیندانی نەزانین، مەستی بادەی ماتەمن | بانگ کەنە یەکتر هەمووتان چونکە ئەمڕۆ بێ خەمن |
| هەر بژی ئاڵای کورد و پێشەوای زانای کورد | |
| پووشی وشکی دەشتەکانم بۆ نەبێ ئەمڕۆ بە گوڵ!؟ | چاوی بەدگۆی کوردسانم چۆن نەبارێنێ بە کوڵ |
| وا شکۆفەی بەختی کوردی بوو بە گوڵ بۆ تاجی چڵ | کوردە! تۆ دینت بە جارێ هەر بڵێ ئەمڕۆ بە دڵ |
| هەر بژی ئاڵای کورد و پێشەوای زانای کورد | |
| قەت لە بیرت دەرنەچێ کوردە، زڕەی زنجیری پێت | تۆ تەماشا کە لە دەس بێگانەکان چی هاتە ڕێت! |
| کوانێ بابی گۆڕغەریب و مامەکەی بێ شوێن و جێت؟ | کوردە چون تۆ دڵبرینی، شل کە بۆ ئەم شێعرە گوێت: |
| هەر بژی ئاڵای کورد و پێشەوای زانای کورد | |
| نەوبەتە، باراش لێکە، ئاشی گێتی کەوتە گەڕ | شێر نەترساوە لە بەزم و شۆڕشی مەیدانی شەڕ |
| گوێ نەدەی هەرگیز بە هاشە و هووشەیی ئەربابی زەڕ | هەڵگرە ئەم دەستەشێعرە و دابنێ سەد سەوڵی تەڕ: |
| هەر بژی ئاڵای کورد و پێشەوای زانای کورد | |
| سەد شوکور وا ئەرزەڕۆم و وان و بتلیس و چەچان | دەستی دایە دەستی هەرکی، کوردی زازا و بەبان |
| شاری خەرپووت و جەزیرە و مەنتیقەی بەرزانییان | با بە بەستە و چەپڵە بێژن؛ دەم بەدەم، شام و بەیان: |
| هەر بژی ئاڵای کورد و پێشەوای زانای کورد | |
| خانەقین مژدەی ئەدا ئەمڕۆ بە دیاربەکر و هەرات: | پێچەوانەی دەوری پێشوو ڕۆژ لە شیمالۆ هەڵات |
| سەیری کە، تیشکی چلۆن ڕووناکی خستە سەر وڵات! | ئەم وتارە بیری دڵ بێ، چاکە بۆ ڕێگەی نەجات: |
| هەر بژی ئاڵای کورد و پێشەوای زانای کورد | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse