لە موڵکی کوردەکان ئەوڕۆ تەپ و مژ هێندە پەیدا بوو
| لە موڵکی کوردەکان ئەوڕۆ تەپ و مژ هێندە پەیدا بوو | دەڵێی حەشری خەزانە یا لە ڕۆژئاوا، خۆرئاوا بوو |
| کە پووری بێکەس و خوشکی هەتیوت چاو بە فرمێسکن | کە ماڵی باب و باپیرت سەراپا چۆل و ڕووخابوو |
| تەماشای دەزگیرانت کە، بە کێردی دوشمنی نامەرد | دڕابوو دامەنی پاکی و بە هیجران قەلبی سووتابوو |
| لەژێر زنجیری زوڵم و بەندی یەخسیری چ مەحزوونە | تەماشای دایکی مەحبووبت بکە چۆن دەستی بەسرابوو |
| کە موڵکی موکریان و شاری سابڵاغ بێ تۆ خاپوورە | لەسەر قەبری جەوانان چاوی نێرگس غەرق دە خوێن دابوو |
| سەراپا مەوتەنی ئەجدادی پێشووت جا تەماشا کە | لە بۆچ ڕووخاوە؟ بۆچ سووتاوە؟ کاکت بۆ چی خنکابوو؟ |
| تەماشاکە کە کانی قوڵقوڵاغی سوور و سووراوە | ئەوە گەرمەبرینی کاکتە چون لێرە کوژرابوو |
| لە موڵکی خۆشەویستی تۆ دەخوێنێ کوند سبەینان زوو | کە «ئەی کوردی فەقیر! تا کەی دەنووی هەستە چ قەومابوو؟» |
| لە بۆ چی تۆ دەنووی و خەڵکی بێگانە بە چالاکی، | ببەستن دەستی پڕزوورت، مەگەر مەردانەگیت وا بوو؟ |
| لەنێو کوردان کەسێک موڵکی نەبێ، خۆ نۆکەرە بێ شک | لەسەر خەڵقی لەبەر موڵکە کە ئەمری ئێوە موجرا بوو |
| بەبێ موڵکی وەتەن، ئەی قەومی کوردی لێت یەقین بێ تۆش، | بە ئێخسیری و زەلیلی سەر دەبەی عومرێک کە بۆت مابوو |
| دەگەڵ شەوقی وەرن ئەوڕۆ هەتاکوو فرسەتوو ماوە | بە عیلم و مەعریفەت تێرئاو بکەن مەوتەن، کە ڕووخابوو |
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
- The creator(s) died before 22 August 1980, for works that their copyright expired before 22 August 2010 according to the 1970 law.
- The creator(s) died more than 50 years ago. (Reformation of article 12 - 22 August 2010)
In the following cases works fall into the public domain after 30 years from the date of publication or public presentation (Article 16):
- Photographic or cinematographic works.
- In cases where the work belongs to a legal person or rights are transferred to a legal person.
Public domainPublic domainfalsefalse