میاں چشم جادو پہ اتنا گھمنڈ
میاں چشم جادو پہ اتنا گھمنڈ
خط و خال و گیسو پہ اتنا گھمنڈ
اجی سر اٹھا کر ادھر دیکھنا
اسی چشم و ابرو پہ اتنا گھمنڈ
نسیم گل اس زلف میں ہو تو آ
نہ کر اپنی خوشبو پہ اتنا گھمنڈ
شب مہ میں کہتا ہے وہ ماہ سے
رکابی سے اس رو پہ اتنا گھمنڈ
بس اے شمع کر فکر اپنی ذرا
انہی چار آنسو پہ اتنا گھمنڈ
اکڑتا ہے کیا دیکھ دیکھ آئنہ
حسیں گرچہ ہے تو پہ اتنا گھمنڈ
وہ کر پنجا انشاؔ سے بولے کہ واہ
اسی زور بازو پہ اتنا گھمنڈ
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse