| نازداران یاوان، نازداران یاوان
|
نازاری بێ عەیب، نازداران یاوان
|
| «عليك السَّلام» وەبانی چاوان
|
سەر زەمین بە نوور لەقای تۆ ئاوان
|
| بنازوو بە سونع دارای بێ نیاز
|
بە قودرەت شەخسی چوون تۆ مەدۆ ساز
|
| بە لەب یاقووتی، بە گۆنا قەمەر
|
شۆخ و زەریفی نە عالەم یەکسەر
|
| «ياللَّه» تا دەوران دونیا وەپا بۆ
|
خوا یارت بۆ، ئینە دۆعات بۆ
|
| قیبلەم سوپەردەی وەیسی نازار بای
|
ئەمین جە گەزەند دیدەی بەدکار بای
|
| فیدای باڵات بام سەوڵی سەرئەفراز
|
بدیە پەی جەستەیم، بە نیم نیگای ناز
|
| سەیدی تا ئەو رۆ ڕۆش نە حەیاتەن
|
هەر گۆیای مەدحی سەنای باڵاتەن
|
| بەو شەرت تۆ بەندەی ئیخلاسش وانی
|
شایستەی ئەنعام خەڵاتش زانی
|
