نہ مرے پاس عزت رمضاں
نہ مرے پاس عزت رمضاں
نہ کبھو کی عبادت رمضاں
دشمن عیش کا میں دشمن ہوں
گو کہ تھے فرض حرمت رمضاں
مجھ کو مسجد سے کام نہیں الا
سننے جاتا ہوں رخصت رمضاں
شیخ روتا ہے اپنی روزی کو
کہ نہ از بہر فرقت رمضاں
کچھ نہ حاصل ہوا کسی کے تئیں
غیر فاقہ بدولت رمضاں
زاہد خشک کے تئیں دیکھے
یاد آتی ہے صورت رمضاں
میرے ہم مشربوں میں آ تاباںؔ
ریجھتے ہوں گے حضرت رمضاں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse