هەڤاڵەکەم

←

هەڤاڵەکەم (1966)
by عوسمان عوزێری

→

303028هەڤاڵەکەم1966عوسمان عوزێری

هەڤاڵ گیان، ئا ئەم کوردستانەمان	ئەم خاکە جوانە و نیشتمانەمان
ئێمەی تێکڕایی گرتۆتە باوەش	گۆشی کردووین بە خوێناوی گەش
بۆیە وا پشتاوپشتمان دلێرین	هەمیشە ئێمەی کورد شۆڕشگێڕین
نابەزین سەرمان دانانەوێنین	کۆڵ نادەین هەتا مافمان ئەستێنین
زنجیر و کۆت و کەلەپچەی دوژمن	هەڵواسین، لێدان، بڕین و کوشتن
ڕێگای خەباتمان لێ بزر ناکات	ئەگەر ئاگری دنیا بەرپا کات
وەک گەڵاڕێزان هەموو هەڵوەرین	قەت تەرکی ناکەین هەر کوردپەروەرین
کۆڵ نادەین لەڕێی کوردا ناخەوین	دڵنیاین کەوا هەر سەر ئەکەوین
مێژووی خوێناویی ئەم کوردستانە	شایەتی ڕاستی تێکۆشانمانە
هەڤاڵ گیان، تەنیا تۆ نیت بێناز بیت	لەجێی سۆزی کورد پێت بڵێن تۆ چیت؟
هەر تۆ نیت کەوا لە تامی ژیان	لە خۆشەویستییی خاکی کوردستان
بە زۆر نامۆییت پێ بکەن بە زۆر	لەبەری باخی خۆت قەت هیچ نەخۆر!
تۆ خاوەنی ئەم خاک و خۆڵە بی	تۆ بی هەڵگری ئا ئەم کۆڵە بی
کە تێبکۆشی بۆ ڕزگاریی ئەو	هەوڵی بۆ بدەی بە ڕۆژ و بە شەو
زۆردارێک دوژمن بە گیان و ژینت	زیادکەری داخ و ئێش و برینت
وەک هەڵۆ بێتە سەر نیشتمانت	هێرش بەرێتە سەر هۆی ژیانت
کوولەکەی ڕۆحت بە زۆر بشکێنێت	تاکوو بەتەنیا هەر خۆی بمێنێ
سامان و بەروبوومی هەڵلووشێ	لە خواردنیشا پەنجەی بڕووشێ
داخی دڵی خۆی بە کورد ئەڕێژێ	بۆی بلوێ خوێنی گشتمان ئەچێژێ
ناهێڵێ تاقمان وتە ببێژێ	بە زیندوویەتی گشتمان ئەنێژێ
بەڵام گەلی کورد بە کەس نافەوتێ	بۆ ڕزگاریی خۆی هیچ کات ناسرەوێ
دڵنیایە هەر ئەبێ سەر بکەوێ	هەتا دنیاش بێ سەری نانەوێ
ئەو کارە قەڵبەی ئیمپریالیستان	لە مێژووی کوردا بووەتە داستان
کەوا بوون بەهۆی پارچە پارچەیی	بۆ بەرژەوەندی بەبێ بەزەیی
هەر لەتیان دایە دەست نۆکەرێکیان	نەتەوەی کوردیش دوور بێت لە ژیان
ژیان هەر مانای زیندوویی نییە	کە سەربەست نەژیت ژینت بۆ چییە؟
کەواتە ئەوە ئیسپاتە تەواو	ئەو پارچە پارچەی ئەبینین بە چاو
دەستکردی دەستی داگیرکەرانە	کوردستان هەر یەک پارچەیە گیانە
هەڤاڵ گیان، ئەوەش بخەرە بەر چاو	بیگەیەنەرە ساوا و پیر و لاو
گەلی کورد دۆستی هەموو گەلانە	برای گەلانی ئاشتیخوازانە
دوژمنی تێکڕا ئیمپریالیستە	. . . . . . . . . .
مێژووی میللەتان شایەتی کوردە	کە پشتاوپشتی نەبەرد و کوردە
هیچ کات بۆ چاکیی کاری دوژمنان	بۆ ئیمپریالیست یان بۆ خوێنمژان
کاری نەکردووە و دوور بووە لەوە	بەڵکوو لە دژیان هەر بۆ پێشەوە
سنگی داوەتە بەر گوللە و شەست تیر	بۆ فەوتاندنیان بە ڕا و بە تەگبیر
هەرگیزاوهەرگیز هەر تێکۆشانە	لە دژی دوژمن کۆڵی نەداوە
مێژووی گەلانی ڕووی ئەم جیهانە	شایەتی ڕاستی گەلەکەمانە

1959/08/04
سلێمانی

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).