هەی لایە لایە سەرتیپ لای لایە

←

هەی لایە لایە سەرتیپ لای لایە (1965)
by مینە جاف

→

304121هەی لایە لایە سەرتیپ لای لایە1965مینە جاف

لایەلایە بۆ سەرتیپی کوڕی بە زمانی دایکیەوە

هەی لایە لایە سەرتیپ لای لایە	خوا فرسەت بدات بگەین بە غایە
هەی لایە لایە ڕۆڵە شیرینم	تازە نەمامی گوڵزاری ژینم
هەی لایە لایە سەرتیپ بیناییم	تاج و تەختی گەنج کەوکەبەی شاییم
غونچەی نەوڕەسم مایەی حەیاتم	نووری بینایی ڕووی سەر بساتم
سەرتیپ تۆ ئەمشەو بۆ چی ناخەوی	چیت لێقەوماوە تو خوا ناسرەوی
من بە لایەیێ ئەتلاوێنمەوە	بۆ بەردی بکەم ئەیتاوێنمەوە
ڕۆڵە بۆ نانویت بۆ خەوت نایە	بۆ بێ دەنگ نابیت بە لایە لایە
ئێژی دەردێکی تازە لە دڵتە	بۆیە بەم شەوە تەپاو تلتە
ئێشی تێکچوونی خاکی کوردوسان	ئەڵبەت لێی داوی ئەمشەو تا بەیان
بڕیاوە خەوت ئارامت قاتە	دەنگی گریانت لە سەماواتە
هەی لایە لایە بینایی دیدەم	سەرتیپ عەزیزم ئەی بەرگوزیدەم
گوێ بگرە لە من کۆرپەی نەخشینم	مایە و سەرمایەی دوکانی ژینم
کوڕم تۆ بێژیت تا ئاخر زەمان	هەر حەپس و بێ بەش بوون کورد زوان
پەتی سێدارە و بەنی قەنارە	بوو بێتە ئیرسی کوردی بێچارە
تۆپ و تەییارە و زرێلی شەست تیر	بۆمبا و دەببابە و بڕناو و شمشیر
بۆ قەتڵ و عامی ئێمە کریا بێ	هەر کورد بێ فتوای قەتلی دریا بێ
کوڕم قەومەکەت کۆت و زنجیری	نەفی و قەتڵ و عام حەپس و ئەسیری
وەی وێنە کل وا بڕیاوە باڵای	دووریاگە بەری سەرتا پەنجەی پای
ئەر باوەڕ ناکەی تۆ سەیری خۆت کە	سەیری دەسرازە و بەنی بێشکەت کە
ئەوسا ئەیزانی زنجیر و حەپسی	کورد بە شیر خۆری بووە بە ئیرسی
هەی لایە لایە ڕۆڵەی زام سەختم	غەمگین و غەمبار قەومی بەدبەختم
هیوات قەوی بێ کوڕم بە یەزدان	نەسسی ئایەتە لە پەڕەی قورئان
لە پاش گشت شتێ خۆشی ڕوو ئەدا	فإن مع ال خۆی فەرمووی خودا
ئیستە بە لایە بێدارت ئەکەم	لە چاکی و قەومت هۆشیارت ئەکەم
کە پێگەیشتی ئەتنێمە خوێندن	ئەتنێمە مەکتەب بۆ تەحسیل کردن
ئەتنێمە مەکتەب قەومی ئەجنەبی	نە وەک بۆ کورسی و بۆ سەر مەنسەبی
نە کوو بخوێنی تۆیش وەک پێشوەکان	بۆ کورسی و زیو و بۆ ڕوتبە و نیشان
بە ناوی کوردۆ بگەیتە کورسی	قەومت زەبوون کەی لە قەید و حەپسی
بخوێنە کوڕم ئەمە غایەت بێ	بەرزیی کوردستان بەرزیی پایەت بێ
هەی لایە لایە سەرتیپ لای لایە	خوا شادمانت کات بگەیتە پایە

1947/9

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).