وسیلت النجات
| وسیلت النجات محرری: سليمان چلبی |
الله ادين ذكر ايده‌لم اوّلا
واجب اولدر جمله ایشده هر قولا
الله ادين هر كیم اول اوّل اڭا
هر ایشى اسان ايدر الله اڭا
الله ادى اولسه هر أيشك اُڭى
هركز ابتر اولميه انُك صوڭى
هر نفسده الله ادين دى مدام
الله اديله اولور هر ایش تمام
بر كز الله ديسه عشق ايله لسان
دوكيلور جمله گناه مثل و خزان
اسم پاكن پاك اولور ذكر ايلين
هر مراده ايريشور الله دين
عشقيله كَل امدى الله ايده‌لم
درد ايله كوز ياشله آه ايده‌لم
اوله كيم رحمت قيله اول پادشاه
اول كريم و اول رحيم و اول اله
بردر اول برلگنه شك يوق د رر
كرچه ياڭلیش سويلينلر چوق درر
جمله عالم يوغيكن اول وار ايدى
يرادلمشدن غنى جبّار ايدى
وار ايكن اول يوق ايدى انس و ملك
عرش و فرش و ای و كون هم نه فلك
صنعيله بونلر اول وار ايلدى
برلگينه جمله اقرار ايلدى
قدرتن اظهار ادوپ هم اول جليل
برلگينه بونلرى قلدى دليل
باری نه حاجت قیلاوز سوزی چوق
بردر الله اندڭ آرتق اله یوق
پس محمّددر بو ورليغا سبب
صدقيله انك رضاسن قِل طلب
سليمان چلبی