وچ روہی دے رہندیاں
وچ روہی دے رہندیاں
نازک نازو جٹیاں
راتیں کرن شکار دلیں دے
ڈینہاں ولوڑن مٹیاں
گُجھڑے تیر چلاون کاری
سَے سَے دلڑیاں پھٹیاں
کر کر درد منداں کوں زخمی
ہے ہے بدھن نہ پٹیاں
چھیڑن بھیڈاں بکریاں گائیں
لیلے گابے کٹیاں
کئی مسکین مسافر پھاتے
چوڑ کِتونیں ترٹِیاں
دھوئیں دار فقیر تھیوسے
فخر وڈائیاں سٹیاں
ہیوں دلبر دے کُتڑے دردے
برہوں پئیاں گل گٹیاں
مونجھ فرید مزید ہمیشہ
اج کل خوشیاں گھٹیاں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse