يو د بل نه زده کوي د دنيا دودې
يو د بل نه زده کوي د دنيا دودې
چې شاگرد نه شي استاد نه شي سړی
زبوني به يې په دين کې پيدا نه شي
که زبون په اعتقاد نه شي سړی
خواست دعا په آساني کله قبلېږي
د تقوی په کار چې داد نه شي سړی
د زحمت علاجي کله طبيبان کا
چې په آه و په پرياد نه شي سړی
که په عمر صد ساله شي هم لا اوم دی
چې سياح د هر بلا نه شي سړی
په اولاد کې اثر د اصل و شي
د بد اصلو د داماد نه شي سړی
که کوښښ کا په اخلاص زه يې ضامن يم
که کامران په خپل مراد نه شي سړی
بهتري د خوی خصلت بويه خوشحاله
خام طمع دې په نژاد نه شي سړی
|
This work was published before January 1, Expression error: Unrecognized punctuation character "۲"., and is in the public domain worldwide because the author died at least 100 years ago. |