پێنج خشتەکی «قانع» لەسەر شیعری خەنجەری کوڕی
| موژدە بێ ئەی یار و یاوەر هەر لە شا هەرتا شوان | پشتی یەکیان گرتووە کورد و عەرەب پیر و جوان |
| کەس بە کوشت نادا براکەی بۆ فلووس و بۆ قەران | وا بەجارێ کەوتە گیتی دەنگی ئازادی گەلان |
| بۆ بە فکری دڵ برایی و مەعرەکەی ڕێگەی ژیان | |
| ئەو هەژارانە بە برسی دێ بە دێ ئەخولانەوە | ئەو ئەدیبانەی لەسەر حەق چوونە ناو زیندانەوە |
| ئەو سوارانەی لەناو دەشتی ئەجەل ئەگلانەوە | ئەو کەسانەی وا لەژێر پێی زاڵما ئەتلانەوە |
| ڕۆڵە ئازادین براکەم ڕاپەرین وەک پاڵەوان | |
| چەن زەمانێکە هونەرمەن دڵ بەخەم ئەتلێتەوە | پەی لە پەی زامی دەروونی پڕ لە سۆی ئەکولێتەوە |
| ئاگری ڕووناکی بەرپێی کز دەبێ و ئەکوژێتەوە | زۆر لە مێژە ئەم جیهانە لار و کەچ ئەخولێتەوە |
| موژدە بێ ئەمڕۆ بە ڕێکی کەوتە خول چەرخی زەمان | |
| وەک برا وانە بەدڵ ئەهلی قەڵەم ئەربابی چەک | کەس نییە گوێ شل بکا بۆ حەیچ و لوری گورگ و سەک |
| کەس فەریب ناخوا بە پارە و کەس لەکەس نادا کوتەک | سەد شکور باوی نەما دڵ پیسی و جاسووسی یەک |
| ڕۆژی تێکۆشینە ئەمڕۆ کەس لە کەس ناخا زیان | |
| ئەی کوڕی باوکم بزانە خاکەکەت پڕ قیمەتە | پڕ لە مێوەی سەوز و سوور وپڕ لە ناز و نیعمەتە |
| بۆچی تێکۆشین لەلای تۆ هێندە قورس و زەحمەتە؟ | پێ لەجەرگی خۆت بنێ ئەمڕۆ کە ڕۆژی هیممەتە |
| ژینی خۆت داوا بکە تا بێیتە ڕیزی هەندەران | |
| چاوی هەڵدووراوی تۆ هەر خوێندنە ئەیکاتەوە | گۆی هونەرمەندی بزانە خوێندنە ئەیباتەوە |
| خوێندنە ڕێگەی ژیان و ئارەزووت ڕوون کاتەوە | ئەو زەمانە ڕۆیی زاڵم خوێنی تۆ بخواتەوە |
| وا بەسەر چوو دەوری ئاخ و داخی دڵ دەردی گران | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse