چل حیکایەت/پارچا بەراهیێ ژ حیکایەتا دەهێ
ژ گوندێد ئالاشگرێ گوندەکێ رەعییان هەیە ناڤێ وی گوندی «لەشکو»یە، ژ وی گوندی تەغایەکێ فەلان قەوی زیرەک و خوەیی شەجاعەت پەیدا بووی دچە ئیستانبولێ و موددەیەکی ئێرەو وێدا خزمەت دکەت، قەوی ژێهاتی، ئاخری موسلمان دبە، ناڤێ خەلیل بەگ داتنێن، ڕۆژ ب ڕۆژێ ئەو خەلیل بەگ پێشڤەچوو لنک ئەرکانێ دەولەتان مەقبوول بووی، دخوەزن کو ئەوی خەلیل بەگێ بکەنە حاکمێ جهەکی، ئیجارێ ئەو خەلیل بەگ بخوە، چونکی ئەسل ژ ئالاشگرێیە، ئیستیدعا دکەت کو میریتیا ئالاشگرێ بدەنە من، ئیجارێ ژ دەولەتێ میریتیا ئالاشگرێ با فەرمان ددەنە خەلیل بەگێ ئەو ژی دگەل چەند ئەتباعەکان تێتن و ڕاست دچتە بایەزیدێ نک مەحمود پاشای، کال و فەرمانێ نیشێ ددەتن، ئەوژی «سمعنا و اطعنا» دبێژە، میریتیا ئالاشگرێ ددەتە خەلیل بەگێ کوڕێ لەشکو، ئەو ژی دچیتە ئالاشگرێ دبیتە میر و قەوی ب رەبت و زەبت حکومەت دکە و خوەیی ناڤ و شان دبیت، خوەیی ئیحسان و کەرەم، لاکین ئاغایێد بازیدێ ئەوی پەسند ناکەن و دبێژن کو ئەوکییە کوڕێ فەلەیەکییە، شولا دەولەتی وەهایە میریتیا قەزایەکێ ددەتە کوڕێ لەشکو، ژ و جوهێد بازیدێ ئاغایەکێ قەوی خوەیی ئیعتبار هەبوویە، حەسەن بەگێ ماتکی، خوەیی ئەتباع و غولام و قوناغ، رۆژەکێ ئەو حەسەن بەگ د دیوانا خوەدا دبێژە، کو فەرزا دەولەتێ کوڕێ لەشکو کرییە میر، کەنگی دبیتن کو ئەز دەستێ..