چودھرائیاں چھڈ کے چاک بنے
چودھرائیاں چھڈ کے چاک بنے
مہیں چار کے اَنت نُوں چور ہوئے
قول کواریاں دے لوڑھے ماریاں دے
اولوہاریاں دے ہورو ہور ہوئے
ماں باپ قرار کر قول ہارے
کم کھیڑیاں دے زور و زور ہوئے
راہ سچ دے تے قدم دھرن ناہیں
جنہاں کھوٹیاں دے من کھور ہوئے
تیرے واسطے ملی ہاں کڈ دیسوں
اسیں اپنے دیس دے چور ہوئے
وارثؔ شاہ نہ عقل نہ ہوش رہیا
مارے ہیر دے سحر دے مور ہوئے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse