کوئی اساں جیہا ولی سدھ ناہیں
کوئی اساں جیہا ولی سدھ ناہیں
جگ آوندا نظر ظہور جیہا
دستار بجواڑیوں خوب آوے
اتے بافتہ نہیں قصور جیہا
کاشمیر جیہا کوئی ملک ناہیں،
نہیں چاننا چند دے نور جیہا
اگے نظر دے مزہ معشوق دا ہے
اتے ڈھول سوہندا دور جیہا
نہیں رن کلچھنی تدھ جیہی
نہیں زلزلہ حشر دے صور جیہا
سہتی جیڈ نہ ہور جھگڑیل کوئی
اتے سوہنا ہور نہ حور جیہا
کھیڑیاں جیڈ نہ نیک نصیب کوئی،
کوئی تھانو نہ بیت معمور جیہا
سہج وسدیاں جیڈ نہ بھلا کوئی
برا نہیں جے کم فتور جیہا
ہنگ جیڈ نہ ہور بدبو کوئی
باس دار نہ ہور کچور جیہا
وارثؔ شاہ جیہا گنہگار ناہیں،
کوئی تاؤ نہ تپت تندور جیہا
|
This work was published before January 1, 1929, and is in the public domain worldwide because the author died at least 100 years ago. |