کوئی بھی ہم سفر نہیں ہوتا
کوئی بھی ہم سفر نہیں ہوتا
درد کیوں رات بھر نہیں ہوتا
راہ دل خودبخود ہے مل جاتی
کوئی بھی راہبر نہیں ہوتا
آہ کا بھی نہ ذکر کر اے دل
آہ میں بھی اثر نہیں ہوتا
دل کو آسودگی بھی کیونکر ہو
غم سے شیر و شکر نہیں ہوتا
آہ اے بے خبر یہ بے خبری
دل ناداں خبر نہیں ہوتا
دل کی راہیں جدا ہیں دنیا سے
کوئی بھی راہبر نہیں ہوتا
اب تو محفل سے چل دیا فرحتؔ
اب کسی کا گزر نہیں ہوتا
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author.
Public domainPublic domainfalsefalse