کون برہم ہے زلف جاناں سے
کون برہم ہے زلف جاناں سے
تنگ ہوں خاطر پریشاں سے
مژدہ اے خار دشت دست جنوں
گزرے ہم دامن و گریباں سے
دانت کس کا ہے جام پر ساقی
مے ٹپکتی ہے ابر نیساں سے
گر یہی رنگ ہے زمانے کا
باز آیا میں کفر و ایماں سے
بیٹھ جاتا ہے آ کے میرے پاس
جو نکلتا ہے بزم جاناں سے
حور عاشق نواز ہے کوئی
پہلے پوچھیں گے ہم یہ رضواں سے
|
This work was published before January 1, 1929, and is in the public domain worldwide because the author died at least 100 years ago. |