کیوں ترے گیسو کوں گیسو بولناں
کیوں ترے گیسو کوں گیسو بولناں
دل میں آتا ہے کہ شبو بولناں
پیچ کھا کر دل مرا چکرت میں ہے
زلف کوں تیری چکابو بولناں
بھول گئی آہو کوں اپنی چوکڑی
تجھ نگہ کوں دام آہو بولناں
یا فلک کی آرسی میں ہے ہلال
یا کسی کا عکس ابرو بولناں
سیکھ گئی گلشن میں تیرے قد ستی
سرو پر قمری نے کو کو بولناں
کان میں ہے تیرے موتی آب دار
یا کسی عاشق کا آنسو بولناں
سامنے اس چہرۂ گلفام کے
ہر گل خوشبو کوں خود رو بولناں
حسن کے لشکر کے راوت ہیں دو چشم
زلف و لب شب خوں کا قابو بولناں
اب چراغ عقل گل کرنی سراجؔ
سوز دل سیں ایک یاہو بولناں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse