گفتوگۆی گا و کەر
| گا وتی بە کەر مەرحەبا کاکە | چاکی چلۆنی ئەحواڵت چاکە؟ |
| ئێستەش وەک جاران بارکێشی باری | یا لەبار کێشان تەواو ڕزگاری؟ |
| خۆ شوکور ئاغا و حاجی دەوڵەمەند | بۆ بار هێنانیان وا لۆرییان سەند |
| گۆشتت ناخورێ بڵێم کەبابی | زۆر ناشرینی بۆ سوار بوون نابی |
| بەڕەڵات ئەکەن سەربەست و ئازاد | بسووڕێرەوە زۆر بە خاتر شاد |
| بارت لێنانێن هەر بنرکێنی | لەبەرەو ژوورە ئارەق بڕژێنی |
| نەقیزەی بزمار درووست ناکەن بۆت | بە هێواش هێواش بەئارەزووی خۆت |
| بگەڕێ لەناو دەشت و چیادا | خۆت بگەوزێنە لە مێرگی گیادا |
| بەڵام من جووتکەر هەر بەردە بارم | ئەڵبەت موستەحەق یا گوناحکارم؟ |
| هەتا پیر ئەبم ئەمە حاڵمە | بە شەو و بە ڕۆژ ڕەنجی ساڵمە |
| کاتێ کە پیر بووم ئەمدەن بە قەسساب | قەسسابیش ئەمکات بە لوولەی کەباب |
| ئەم دیو و ئەو دیو چاک ئەمبرژێنێ | یا لەناو ڕۆنا هەڵم ئەقرچێنێ |
| بە هەرزان ئەمدات بە هەژارەکان | ئەمە حاڵمە لە دەورەی دەوران |
| وەرامی کەر: | |
| کەر وتی ئەی گا بەخوا هیلاکم | لە ژێر بارکێشان تەواو خەمناکم |
| چوونکە ئوتومبیل بۆ پارە دارە | بۆ فەردە تووتن بۆ شارە و شارە |
| جاران من تەنها ئەمساڵ بۆ ئەو ساڵ | کاکێشانم بوو لەگەڵ داری ماڵ |
| بەڵام ئێستەکە ئەبێ بار بێنم | خێزان بەخێو کەم خۆیشم بخنکێنم |
| کراس کەیبانوو لاستیکی مناڵ | بۆم تەواو نابێ بە دە بار زوخاڵ |
| ئەبێ بیست بار بێ بە ناعلاجی | ئەوسا تەواو بێ قەرزی مام حاجی |
| خاوەنم سەلەم ئەکا بە تووتن | تووتنی نابێ دێتە ئەستۆی من |
| کاکە گیان بۆیە تەواو دڵ ڕێشم | بەشەو و بە ڕۆژ ئەبێ بار کێشم |
| من کەوا یەکجار ماڵم وێرانە | تا خەرج گران بێ بارم گرانە |
| بەڵام ئەی گاجووت موژدە بێ بۆ تۆ | کەوا تراکتۆر هاتووە ئەمڕۆ |
| نە جووتت هەیە نە بار نە گێرە | بۆ خۆت ئازاد بە لەم گەرمەسێرە |
| وەرامی گا جووت: | |
| گا وتی بە کەر برای هاودەردم | لەمن خرابتر هەناسە سەردم |
| ناوی تراکتۆر لای ئێمە نییە | بەخوا نازانین تراکتۆر چییە؟ |
| ئەگەر تراکتۆر ماڵی پارەیە | خاوەنەکەی من هەر ئاوارەیە |
| ئەمە دە ساڵە جووتی بۆ ئەکەم | پارەم لێ نەدی نە زۆر و نەکەم |
| خەمی خۆم ناخۆم هەر خەمی تۆمە | لەلای خۆی ئەڵێن چەرخی ئەتۆمە |
| بۆ چەرخی ئەتۆم ئەبێ هەر وابێ؟ | کۆمەڵی جێماو هەر لە دوا بێ؟ |
| سەد هەزار خۆزگەی هەژاران بە زوو | بە دەورانی بەرد کە زانست نەبوو |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse