گھول گھول گھتی تینڈی واٹ اتوں
گھول گھول گھتی تینڈی واٹ اتوں،
بیلی دسّ خاں کدھروں آونا ایں
کس مان-متی گھروں کڈھیوں توں،
جس واسطے پھیریاں پاونا ایں
کون چھڈ آئیوں پچھے مہر والی،
جس دے واسطے پچھوتاونا ایں
کون ذات تے وطن کی سائیاں دا،
اتے زدّ دا کون سداوناں ایں
تیرے وارنے چوکھنے جانیاں میں،
مننو بابلے دا چار لیاونا ایں
مننو بابلے دا تے توں چاک میرا،
ایہہ وی پھندھ لگے جے توں لاونا ایں
وارث شاہ چہیک جے نویں چوپیں،
سبھے بھل جانیں جہڑیاں گاوناں ایں
|
This work was published before January 1, 1929, and is in the public domain worldwide because the author died at least 100 years ago. |