ہر لمحہ عطا کرتا ہے پیمانہ سا اک شخص
ہر لمحہ عطا کرتا ہے پیمانہ سا اک شخص
آنکھوں میں لیے بیٹھا ہے مے خانہ سا اک شخص
اور اس کے سوا انجمن ناز میں کیا ہے
ہے شمع سا اک شخص تو پروانہ سا اک شخص
خاموش نگاہوں میں قیامت کا اثر تھا
گزرا ہے سناتا ہوا افسانہ سا اک شخص
اک حسن مکمل ہے تو اک عشق سراپا
ہشیار سا اک شخص ہے دیوانہ سا اک شخص
ہم جلوۂ اصنام سے بیزار ہیں لیکن
ملتا ہے وہاں روح صنم خانہ سا اک شخص
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author.
Public domainPublic domainfalsefalse