ہم کو یاں در در پھرایا یار نے
ہم کو یاں در در پھرایا یار نے
لا مکاں میں گھر بنایا یار نے
آپ اپنے دیکھنے کے واسطے
ہم کو آئینہ بنایا یار نے
اپنے اک ادنیٰ تماشے کے لئے
ہم کو سولی پر چڑھایا یار نے
آپ چھپ کے ہم کو کر کے روبرو
خوب ہی رسوا کرایا یار نے
آپ تو بت بن کے کی جلوہ گری
اور ہمیں کافر بنایا یار نے
|
This work was published before January 1, 1929, and is in the public domain worldwide because the author died at least 100 years ago. |