یار حال-ی دیلیمی زار بیلیب‌دیر بیلیریم
| یار حال-ی دیلیمی زار بیلیب‌دیر بیلیریم یازار: محممد فوضولی |
یار حال-ي دیلیمی زار بیلیب‌دیر بیلیریم
دیل زاریمده نه کیم وار بیلیب‌دیر بیلیریم
یاری اغیار بیلیب‌دیر که منه یار اولماز
منده دخی اونی که اغیار بیلیب‌دیر بیلیریم
زولفینی اهل وفا صئیدینه دام ای لیلی
منی اول دامه گیریفتار بیلیب‌دیر بیلیریم
من نه حاجت که قیلیم شرح اونا درد-ی دیلیمی
هامی درد دیلیمی یار بیلیب‌دیر بیلیریم
یار هم صوحبتیم اولمازسا فوضولی نه عجب
اوزونه صوحبتیمی عار بیلیب‌دیر بیلیریم