یک نگہ سیں لیا ہے وہ گلفام

یک نگہ سیں لیا ہے وہ گلفام
by سراج اورنگ آبادی
294415یک نگہ سیں لیا ہے وہ گلفامسراج اورنگ آبادی

یک نگہ سیں لیا ہے وہ گلفام
کیا خرد کیا شکیب کیا آرام

حق میں عشاق کے قیامت ہے
کیا کرم کیا عتاب کیا دشنام

مجھ کوں گل گشت باغ زنداں ہے
سبزہ زنجیر و شاخ سنبل و دام

مے کشی کوں تری گلستاں میں
سرو مینا ہے دور نرگس جام

وقت ہے اب نماز مغرب کا
چاند رخ لب شفق ہے گیسو شام

آرزو ہے جو منزل مقصود
ترک مطلب ہے مدعائے تمام

صدق دل سیں سراجؔ باندھا ہے
کعبۂ کوئے یار کا احرام

This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse