अंगिका 'झूमर' लोकगीत
| अंगिका 'झूमर' लोकगीत |
ननद भौजाई है
"घर पिछुवड़िया म जिरबा रोपलियै हे
जिरबा फरलै कांचे डार
जिरबा तनी रे तनी
जिरबा फरलै कांचे डार
जिरबा तनी रे तनी
घर पिछुवड़िया म जिरबा रोपलियै हे
जिरबा फरलै कांचे डार
जिरबा तनी रे तनी
जिरबा फरलै कांचे डार
जिरबा तनी रे तनी
ननदी भौजइय्या मिली जिरबा तोड़े गेलीयै हे
ननदी भौजइय्या मिली जिरबा तोड़े गेलीयै हे
जिरबा बैठल, अरे जिरबा बैठल गेंहुवन साँप
जिरबा तनी रे तनी
जिरबा बैठल गेंहुवन साँप
जिरबा तनी रे तनी
घोड़बा चढ़ल आबै छोटका देबरबा हे
घोड़बा चढ़ल आबै छोटका देबरबा हे
मारी रे देहौ गेंहुवन साँप
जिरबा तनी रे तनी
मारी रे देहौ गेंहुवन साँप
जिरबा तनी रे तनी
संपवा मरौलो भौजी किये देभौ दनमा हो
अरे किये रे देभौ तोहों महादान
जिरबा तनी रे तनी
संपवा मरौलों देवर हाथ के मुनरिया देभौं हे
संपवा मरौलों देवर हाथ के मुनरिया देबो हे
आरो देभौं गले गिरमल हार
जिरबा तनी रे तनी
आरो देभौं गल्लें निरमल हार
जिरबा तनी रे तनी
अगिया लगाबौं भौजो हांथ के मुनरिया हे
बज्जड़ खंसाबौं गल्ले निर्मल हार
जिरबा तनी रे तनी
बज्जड़ खंसाबौं गल्ले निर्मल हार
जिरबा तनी रे तनी"