परबत ते डेरा तेरा कामिया/ਗੁਰਮੁਖੀ
| परबत ते डेरा तेरा कामिया by |
| ਸੋਲਨ ਜ਼ਿਲ੍ਹੇ ਦੀ 85 ਸਾਲਾ ਸ਼ੀਲਾ ਦੇਵੀ ਕਾਂਗੜੀ ਲੋਕਗੀਤ "ਪਰਬਤ 'ਤੇ ਡੇਰਾ ਤੇਰਾ ਕਾਮਿਆ" ਜਾਂ "ਕਾਮਿਆ" ਦੀ 2018 ਦੀ ਵੀਡੀਓ। ਵੀਡੀਓ - ਸੱਤਦੀਪ ਗਿੱਲ (ਫ਼ਰਜ਼ੀ ਫ਼ਨਕਾਰ) |
ਪਰਬਤ 'ਤੇ ਡੇਰਾ ਤੇਰਾ ਕਾਮਿਆ
ਲੁੱਟੀ ਜਾਂਦੇ ਲੂਟੇਰੇ ਹੋ...
ਮਹਿਲਾਂ 'ਚ ਵੱਸਦੇ ਉਹ ਡਸਦੇ ਪਏ
ਨਿੱਤ ਨਾਗਾਂ ਦੇ ਘੇਰੇ ਹੋ...
ਪੱਥਰਾਂ ਦੀ ਧਰਤੀ ਨੂੰ ਵਾਹੁੰਦਾ ਰਿਹਾ ਤੂ
ਲਹੂ ਬੂੰਦ ਪੇੜੂਆਂ 'ਚ ਪਾਉਂਦਾ ਰਿਹਾ ਤੂ
ਆਪਣੇ ਬਗਾਨੇ ਹੁਣ ਦੇਖ ਲੈ
ਛੱਡ ਜਾਤਾਂ ਦੇ ਝੇੜੇ ਹੋ...
ਓ ਕਾਮਿਆ! ਛੱਡ ਜਾਤਾਂ ਦੇ ਝੇੜੇ ਹੋ...
ਪੁਸ਼ਤਾਂ ਲੁਟਾਈਆਂ ਤੂੰ ਬਣਿਆ ਸ਼ੁਦਾਈ
ਹਿਮਾਲੇ ਦੀ ਧਾਰਾ ਤੋਂ ਲੈ ਲੈ ਗਵਾਹੀ
ਭਰ ਭਰ ਕੇ ਡੋਬੇ ਇਹਨਾਂ ਜ਼ਾਲਿਮਾਂ
ਤੇਰੀ ਖੁਸ਼ੀਆਂ ਦੇ ਢੇਰੇ ਹੋ...
ਓ ਸਾਥੀਆ! ਤੇਰੀ ਖੁਸ਼ੀਆਂ ਦੇ ਢੇਰੇ ਹੋ
ਲੁਟੇਰਿਆਂ ਦੇ ਦਿਨ ਹੁਣ ਘਟਾ ਕਾਲੀਆਂ 'ਤੇ
ਦਾਤੀ ਹਥੌੜੇ ਦਾ ਰੰਗ ਲਾਲੀਆਂ 'ਤੇ
ਹਨੇਰੇ ਉਡੰਤਰ ਹੁਈ ਜਾ ਰਹੇ
ਹਰ ਥਾਂ ਨਿਕਲੇ ਸਵੇਰੇ ਹੋ...
ਹੋ ਸਾਥੀਆ! ਹਰ ਥਾਂ ਨਿਕਲੇ ਸਵੇਰੇ ਹੋ
ਭਰ ਭਰ ਕੇ ਡੋਬੇ ਇਹਨਾਂ ਵੈਰੀਆਂ
ਤੇਰੀ ਖੁਸ਼ੀਆਂ ਦੇ ਢੇਰੇ ਹੋ...