मिथिला सहरिया के पतरी तिरियवा हे
मिथिला सहरिया के पतरी तिरियवा हे।
निरखन चलेली सभे राम दुनू भइया हे।
सोने का थरिया में आरती उतरली हे।
सोरहो सिंगार करी चलेली सहेलिया हे।
आपना मैं रामजी के आरती उतरबों हे।
छूटि जइहे अबतऽ मोरा जम के दुअरिया हो
अपना मं राम जी के अंगूठी पेन्हइबों हे।
हीरवा जवाहिर लाला मोतिया झुलइबों हे।
अपना मैं रामजी के लडुआ खियइबों हे।
अवरू खियइबों हम मेवा मिठइया हे।
हँसि-हँसी मोहे राम जी सभके परानवाँ हे।
सीया वर होइहें ई त बाजी सहनइया हे।
सोचे महेन्दर कइके कवनो जतनवाँ हे।
राम जी के रखबों मैं अपनी अंगनवाँ हे।
|
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author. | 
|