हमारे मन बसि गइलें बमभोला
हमारे मन बसि गइलें बमभोला।
सखि री मोहे नीको ना लागे कछु,
दीन दयाला उमरूवाला, पार लगाने वाला,
भोजन भांग धतूरा के होला,
हमारे मनबसि गइलें बम भोला।
अवढर ढरन शरण प्रतिपालन,
दुष्ट दलन दानव कुल घातन,
है मतवाला चाह निराला,
पिए जहर के प्याला जेकरा लटके बगल में झोला,
हमारे मन बसि गइलें बम भोला।
द्विज महेन्द्र पूजत हर-हर-हर,
नीलकंठ धर चढ़त बयल पर,
जोगी आला अटा विसाला,
बाघम्बर के छाला,
जेकर बात सभी अनमोला,
हमारे मनबसि गइले बम भोला।
|
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author. | 
|