བཙན་པོ་རིམ་བྱུང་གི་ལོ་རྒྱུས།/ལེའུ་དྲུག་པ།

299 ༇ བཙན་པོ་སྲོང་བཙན་སྒམ་པོ་འི་རིང་ལ། །ཡབ་འབངས་ནྀ་འཁུས། ཡུམ་འབངས་ནྀ་ལོག་། །

300 གཉེན་ཞང་ཞུང་། མཛོ་སུམ་པ། །ཉག་ཉྀ་དགས་པོ། །རྐོང་པོ། མྱང་པོ་ཀུན་ཀྱང་ལོག། །ཡབ་གནམ་

301 རྀ་སློན་མཚན་དུག་བོན་ཏེ་བཀྲོངས་སོ། །སྲས་སྲོང་བརྩན་སྐུ་གཞོན་མ་ཕན་ཏེ། །གཟོད་མ་

302 དཀུའ་བ་དང་། དུག་པ་རྣམས་རབས་བཆད་དོ། །དེ་འི་རྗེས་ལ། དེ་འྀ་མྱི་ལོག་ཀུན་འབངསུ་སླར་བཀུག

303 གོའ། །འུང་གྀ་འོག་དུ་མྱང་མང་པོ་རྗེ་ཞང་སྣང་གྀས། སུམ་པ་མཐའ་དག་དམགིས་གདབ་མྱི་

304 དགོས་པར། ལུག་རྟུག་གིས་སྒྱུ་ཕབ་སྟེ། ལྕེ་འྀ་ཐོར་ཐོ་ལ་བརྗོད་ནས། ཁྱྀམ་གྲངས་མ་ཤོར་པར་

305 ཡོངས་ཀྱིས་འབངས་རྣལ་མར་བཀུག་གོ། །འུང་གྀ་འོག་དུ་བཙན་པོ་ཞབས་ཀྱིས་བཙུགས་སྟེ། །

306 བྱང་ལམ་དུ་མ་བྱུང་མ་དྲངས་པར། རྒྱ་དང་འ་ཞས་དཔྱའ་གཅལ་ལོ། །ཐོག་མ་འ་ཞ་དེ་ནས་འབངས་

307 སུ་མངའ་འོ། །འུང་གྀ་འོག་དུ་བཙན་པོ་སྲོང་བརྩན་དང་། མང་པོ་རྗེ་ཞང་སྣང་རྗེས་འབངས་

308 ཀྱི་བར་དུ། །ཁྱུང་པོ་སྤུང་སད་ཀྱིས་འཕྲའ་མ་བཅུག་སྟེ། བཙན་པོ་ཞ་སྔར། ཞང་སྣང་གློ་བ་མྱི་འདྲྀང་དུ་

309 ནི་འདྲིང་ཞེས་གསོལ་ཏོ། །ཞང་སྣང་ལ་བཙན་པོ་མྱི་བཀྱོན་དུ་བཀྱོན་ཞེས་བྱས་སོ། །འུང་ནས།

310 ཞང་སྣང་གྀ་གློ་བ་ལ། །ཁྱུང་པོ་སྤུང་སད་བདག་དང་ཤག་རག་པོ་སྟེ། སྤུང་སད་ཟེར་བ་བདེན་སྙམ་ནས།

311 བཙན་པོ་འི་བཀའ་བྱུང་ན་ཡང་། མ་ཞེས་བྱསྟེ། མཁར་སྔུན་བར་ཐེན་ཏེ་མཆིར་མ་རུང་ངོ་། །འུང་

312 ནས། །བཙན་པོའི་ཞ་སྔ་ནས། །ཞང་སྣང་གློ་བ་འདྲྀང་ཡང་དག་ཆེས་བཀའ་སྩལ་ནས། ཞང་སྣང་

313 གྀ་མཁར་སྔུར་བ་ཡང་བསྡིགས་སོ། འུང་ནས་ཞང་སྣང་གི་བྲན། པ་ཚབ་གྱིམ་ཕོ་འཁུསྟེ།

314 ཞང་སྣང་བརླག་གོ། །མཁར་སྔུར་བ་ཡང་བཤིག་གོ།

315 ༇ །འུང་གྀ་འི་འོག་དུ། །ཁྱུང་པོ་སྤུང་སད་ཟུ་ཙེས། །མྱང་ཞང་སྣང་བཙན་པོ་ལ་གློ་བ་རིངས་པ། །ཟུ་ཙེས་དཀུའ་བེལ་ཏེ། ཞང་སྣང་བཀུམ་སྟེ། །ཟུ་ཙེ་

316 གློ་བ་ཉེ་འོ། །བཙན་པོ་འི་བློན་པོ་འི་ནང་ན། །ཁྱུང་པོ་སྤུང་སད་ཟུ་ཙེ་ལས་གློ་བ་ཉེ་བ་སྔོན་ཆད་མ་བྱུང་ངོ། །ཟུ་ཙེ་་འཛངས་ཤེ་ན་འཛངས། །དཔའ་

317 ཞེ་ན་དཔའ་འོ། །ཆུ་གང་ཆེ་ཞེ་ན་ཆེ། །ཡང་བ་རྀང་ཞེ་ན་རིངོ། །མྱྀ་ཆིག་ལ་ཚོགས་དགུའ་ཚོགས་ན། །སྤུང་སད་ཟུ་ཙེ་འོ། །འུང་གྀ་འོག་དུ།

318 བཙན་པོ་འདྀ་འི་རིང་ལ། །ཁྱུང་པོ་སྤུང་སད་ཟུ་ཙེ་ལྟ་ཞྀག། །རྒས་ཏེ་ཉི་མ་འདེར་གནང་ངོ། །བཙན་པོ་ཞ་སྔར་ཁྱུང་པོ་སྤུང་སད་ཀྱིས་གསོལ་པའ།

319 སྔོན་བཙན་པོ་འི་ཡབ་གནམ་རྀ་འི་རིང་ལ། །བདགྀས་རྩང་བོད་འབངས་སུ་བཀུག་པ་ལྟ་ཞིག། །ཡབ་ཀྱྀས་སྤྱན་གྱྀས་མ་གཟིགས། །ཞབས་

320 ཀྱིས་མ་བཆགས་ན། །བཙན་པོ་སྲས་ཀྱྀས་སྤྱན་གྱྀས་གཟིགས། །ཞབས་ཀྱྀས་བཆགསྟེ། །བདགྀ་སྡུམ་པ་ཁྱི་བོམསུ། །དགྱེས་སྐྱེམས་

321 སྟོན་མོ་གསོལ་དུ་ཇྀ་གནང་ཞེས་གསོལ་ནས། །བཙན་པོས་སྤུང་སད་གསོལ་བ་བཞིན་གནང་སྟེ། །མཁར་ཡུལ་ཟུང་ཕོ་བྲངས་འདྲིར་

322 བཀའ་སྩལ་ནས། །ཡུལ་ཟུང་ཁྲི་བོམས་སུ་མཆིས་ཏེ། བརྟགས་ན། །དཀུ་གང་པུབ་པར་ཡུལ་ཟུང་གྀས་ཚོར་ནས། །ཡུལ་ཟུང་སླར་བྲོསྟེ་

323 བཙན་པོ་འི་སྙན་དུ་གསོལ་ཏོ། །ཡུལ་ཟུང་སླར་བྲོས་པ་འི་རྗེས་ལ། །ཁྱུང་པོ་སྤུང་སད་རང་ལྕེབསྟེ་གུམ་ནས། མགོ་བཆད་དེ། །བུ་ངག་

324 རེ་ཁྱུང་བསྐུར་ནས། །སྐུར་མཁར་པྱིང་བར་མཆྀས་སོ། །བཙན་པོ་འི་སྙན་དུ་ངག་རེ་ཁྱུང་གྀས་གསོལ་པའ། །བདགྀ་ཕ་རྒས་ཀྱི་

325 ལ་གར། །བཙན་པོ་འི་ཞ་སྔར་གློ་བ་རིངས་ནས། །ཚམས་བསྡལ་བར་ཆད་པའ། །མགར་ཡུལ་ཟུང་ལ་འཐོལ་བར་བགྱིས་པ་ལས།

326 ཡུལ་ཟུང་གྀས་ཀྱང་ཚོར་ཏེ། ཡུལ་ཟུང་ནྀ་སླར་མཆིས་། །བདགིས་ཕ་བཀུམ་ནས། །མགོ་བཆད་དེ་མཆིས་ན། སྲིད་མྱི་བརླག་

327 པར་ཇྀ་གནང་ཞེས་གསོལཏོ། །བཙན་པོ་ཁྲི་སྲོང་བརྩན་གྱིས་ཀྱང་། །ངག་རེ་ཁྱུང་གིས་གསོལ་པ་བཞིན་གནང་སྟེ། །སྲྀད་མ་བརླགོ། །