བཙན་པོ་རིམ་བྱུང་གི་ལོ་རྒྱུས།/ལེའུ་བཅུ་པ།

495 ༇ བོད་ཀྱི་བློན་པོ། །མགར་ཁྲི་འབྲྀང་བཙན་བྲོད་དང་། །རྒྱ་འྀ་བློན་པོ་འྭོང་ཀེར་ཞང་ཤེ་གཉིས། ཁ་དོར་གྱིས་བརྒྱའ་(བརྒལ)བ་འྀ་ཚིག། རྒྱ་

496 འི་དམག་བྱྀན་ཆེད་པ། །དམག་པོན་འྭོང་ཀེར་ཞང་ཤེས་བདའསྟེ། །དཔུང་གིས་པུལ་ནས། མཚོ་སྔོན་པོ་པྱོགས་ཀྱྀ་དམག་པོན། །

497 མགར་ཁྲི་འབྲྀང་བཙན་བྲོད་འཚལ་བ་ལ། །འྭོང་ཀེར་ཞང་སྤྲིང་བྰ། །ཁྲེ་རྐྱལ་གང་དང་། ཡུངས་ཡུངས་འབྲུ་རྐྱལ་གང་བསྐུར་ཏེ། །

498 བོད་ཀྱི་དམག། སྟག་འཕྲང་གཡག་འཕྲང་དུ་བགྲངས་པ་འྀ་གྲངས་ཀྱང་ང་ལ་ཡོད་དོ། །གླད་པ་ལ་ཚད་བླངས་སྟེ།

499 ཞྭར(རུ)་དྲུབས། རྐང་པ་ལ་ཚད་བླང་སྟེ་ལྷམ་དུ་དྲུབས། །བོད་ཀྱི་དམག་ཐུབ་པ་ཙམ་དུ་བརླབས(བརླེབས)ནས། །ང་འྀ་དམག་འདི་སྙེད་

500 ཆིག་ཡོད་དོ། །མགྲྀམ་པྲ་མོར་ཤོང་ན། ལྟོ་ཆེད་པོར་ཞུགས་ཀྲང་། །གྀས་གནམ་པྱགས་ཆེད་པོས་བཏབ་སྟེ། །གཆིག་

501 མྱྀ་དགྱེ་འོ། །མགར་ཁྲྀ་འབྲིང་གྀས་ལན་བཏབ་པའ། །མང་ཉུང་གྀ་ཁར་མྱི་དོར་རོ། །བྱི་འུ་མང་མང་ཡང་ཁྲ་ཆིག་གྀ་ཉོད་པའ། །

502 ཉེ་འུ་མང་མང་ཡང་སྲམ་ཆྀག་གི་ཉོད་པ། ཤ་བ་རྭ་མང་སྟེ་འགྱེན་ཏམ། གཡག་རུ་ཐུངེ་སྟེ། འགྱེན་པ་བལྟ་འོ། །ཐང་ཤྀང་ལོ་བརྒྱར་སྐྱེས་

503 པ་ཡང་། སྟ་རེ་གཆིག་གྀ་དགྲ་འོ། །ཆུ་གཞའ་གསང་དུ་སོང་བ་ཡང། །གྲུ་མདོམ་གང་གིས་སྐ་ཆིག་ཆོད་དོ། །ནས་འབྲས་ཐང་གང་སྐྱེས་

504 པ་ཡང་། རང་ཏག་གཆྀག་གི་ནང་དུ་ཆྀབ་བོ། །སྐར་མ་གནམ་གང་ཡོད་པ་ཡང་ཉི་མ་གཆྀག་གི་འོད་ལ་མྱེད་དོ། །ལུང་པ་གཆྀག་གི་མདའ་ནས་

505 མྱེ་ཕར་ཆྀག་མཆེད་ན། རྀ་ལུང་གཉྀས་ཀྱི་ཤྀང་རྩྀ་ཀུན་ཚིག་པ་ཡང་ཡོད། །ཆུ་མྱིག་གནྀག་གི་དངོའ་ནས། དབའ་རྒལ་ཞྀག་བྱུང་ནའ། །རི་

506 ཐང་གྀ་ཤིང་རྩྀ་ཀུན་ཁྱེར་བ་ཡང་སྲིད་དོ། །བོང་པ་ཐང་གང་གྀ་ནང་དུ། །རྡོ་བ་གཆིག་འདྲྀལ་དུ་བཅུག་ན། རྡོ་ཆག་གམ། བོང་པ་

507 ཆག་པ་བལྟ་འོ། ཐང་ཆེད་པོ་གཆིག་ལ། རྩྭ་ཁུར་གཆྀག་དང། སྨྲག(སྨྱུག)་ཤད་ཀྱི་ལྕག་གཆིག་བཆྀང་སྟེ་བཞག་ན། རྩྭ་སྔར་འདྲུལ་ལམ།

508 ལྕག་སྔུན་དུ་འདྲུལ་བ་བལྟ་འོ། །ཆུ་ཟངས་གང་གྀ་ནང་ན། །ལན་ཙ་ཁྱོར་གང་བཏབ་ན། ཆུ་བྲོ་འམ། ལན་ཙ་བྲོ་བ་བལྟ་འོ། །

509 འབྲུག་དང་ཀློག་བརྟེ་བུ་ལྕེ་གྲངས་ཉུང་མོད་ཀྱོང་། །གནམ་མཐའ་བཞིར་གྲགས་ལ་བརྩན་ཞིང་ཆེ་འོ། །ཁྱོད་ཀྱི་དམག་ནིའ།

510 མཚོ་ག་འྀ་སྦྲང་བུ་དང་འདྲའ་སྟེ། མང་ཞྀང་འཁོལ་ལ་མྱྀ་ཕན་ནོ། །རི་ཀ་འྀ་ན་བུན་དང་མཚུངསྟེ། མྱི་ལ་མྱྀ་ལྕི་འོ། །ང་འྀ་དམག་ནྀ་

511 རྩྭ་མང་པོ་ལ་ཟོར་བ་གཆྀག་གིས་གཆོད་པ་དང་མཚུངསྟེ་ཆོད་ཀྲང། །གཡག་ཆེད་པོ་ལ་མདའ་ཕྲ་མོས་འཕངསྣ་སོད་ཀྲང་། །

512 འྭོང་ཀེར་ཞང་ཤེས་ལན་བཏབ་པའ། །སྒོ་ང་ཆུ་ངུ། རྀ་ཆེད་པོ་འི་ལྗིད་ཀྱྀས་མནན་ན་ཆོགས་ཀྲང་། མྱེ་འབའར་བ། མཚོ་ཆེད་པོ་འི་རླབས་ཀྱིས་

513 བསད་ན་སོད་ཀྲང་། མགར་ཁྲྀ་འབྲིང་གིས་ལན་བཏབ་པའ། རྀ་ཆེད་པོའི་སྟེང་ན་བྲག། །བྲག་གྀ་ཁ་ཁ་ན་ཤྀང། ཤིང་གྀ་ཁ་ན་ཚང། ཚང་

514 གྀ་ཁ་ན་སྒོ་ང་སྟེ། རྀ་མ་རྙིལ་བར་བྲག་མྱྀ་འདྲལ། བྲག་མ་རལ་བར་ཤྀང་མྱི་འཆག། ཤྀང་མ་ཆག་དང་ཚང་མྱི་ཞིག། ཚང་མྱི་ཞིག་

515 པར་སྒོ་ང་མྱྀ་ཆག་སྟེ། །རྀས་སྒོ་ང་གཆག་དུ་དེ་ལྟར་མྱི་ཆོགས་སོ། །མྱེ་རྀ་ཀ་ན་འབའར་བ། ཆུ་ལུང་པ་ན་འབབ་པས། གསད་

516 དུ་མྱྀ་སླེབསྟེ། །བོད་ཀྱི་སྤུ་རྒྱལ་ནྀ་ཉི་མ་དང་འདྲའ། །རྒྱ་རྗེ་ནྀ་ཟླ་བ་དང་འདྲ་སྟེ། །རྒྱལ་པོ་ཆེད་པོར་འདྲའ་མོད་ཀྱོང་།

517 གནམ་མཐའ་འོག་དུ་འོད་ཐ་དད་དོ། །ཆེ་ཅུང་གྀ་ཁར་ཡོང་མྱི་དོར་རོ། །མཚོ་ཆེད་པོ་འི་ནང་ན། ཆུ་སྲྀན་རྒྱལ་བ་

518 འདུག་ན། གནམ་ལས་ཆེ(ལྕེ)་ཕབསྟེ། །ཆུ་སྲྀན་རྒྱལ་བ་ཆུ་འྀ་ནང་དུ་བསད་དོ། །འབྲུག་དང་ཀློག་གཉྀས་ཀྱིས་ལྕེ་ཕབ་ན་

519 བྲག་ལས་སྲ་བ་མྱེད་པ་ཡང་དྲལ་ལོ། །བོད་ཀྱི་ལྷ་བཙན་པོ་དང། གནམ་གཉིས་ཀྱྀས་བདུད་བཆད་ན། འབལ་ལྗྀ་རྨང་ལས་ཆེ

520 བ་མྱེད་པ་འྀ་བུ། །ས་དགུའ་རྀམ་འོག་དུ་སྭས(སྦས)་པ་ཡང་བཟུང་དེ་བསད་དོ། །དེ་ལྟ་སྟེ། ཆེ་ཅུང་དང་མང་ཉུང་གྀ་ཁར་དེ་ལྟར་མྱྀ་དོར་རོ།

521 དེ་ནས་རྒྱ་འྀ་དམག། །འྭེང་ཀེར་ཞང་ཤེས་བདའསྟེ་བྱུང་བ་ལས། །བོད་ཀྱི་དམག་པོན། བློན་ཁྲི་འབྲྀང་གིས། དགྲ་ཐབས......

522 དང་གཡག་ལྟར་བྱས་ནས། །གོ་བར་དུ་གཡུལ་སྤྲད་དེ། །རྒྱ་མང་པོ་བཐུངས་ནས། རྒྱ་འི་རོ་གཆིག་གནམ་དུ་འགྲེང་བ་(ཡང)

523 (མྱྀ)་འབུམ་བསད་པ་འྀ་མཚན་མ་ཞེས་བྱ་འོ། །སྟག་ལ་རྒྱ་དུར་དང་རྨ་རྒྱ་དུས(དུར་)་ཀྱང་དེ་ནས་བཏགསོ། རྔ་རབ་ཕན་ཆད། མྱང་དང

524 ......། དོར་པོ་ལ་སྩོགས་པ། །རྒྱལ་པོ་དང་བཆས་སུ་འབངསུ་བཀུག་ནས། །སོ་བློན་སྡེ་ལྔ་ཡང་བཙུགས་སོ།

525 ......ང་ཀོག་ལ་སྩོགས་པའ། སྟོད་པྱོགས་དང་ལྷོ་པྱོགས་ཀྱི་རྒྱལ་པྲན་མང་པོ་ཡང་འབངསུ་བསྡུས་སྰོ།

526 ......མང་པོ་རྗེ་སྟག་(རྩན་དང་པ)ཚབ་རྒྱལ་ཏོ་རེ་རྒྱ་ལ་བྲོས་པ་འྀ་ཚེ། །པ་ཚབ་རྒྱལ་ཏོ་རེས་ཀླུ་བླངས་པའ།

527 ......ན་ལས། །སྨན་ཤ་ནྀ་ལ་འདའས་ཀྱང། ཤ་བཀྲའ་ནྀ་སླད་ན་ལུས། ན་ནིང་ནི་(གཞེས་ནིང་སྔ)

528 ......འགྲེས་པུ་ནྀ་སྤང་བཟངས(བཟུངས)་ནས། མ་སྲིང་ནྀ་སྡུག་གིས་བསྐྱལ། ཙོང་ཀ་ནི་ཆེ་ཆུང

529 ......རྗེ་འྀ་ནི་སྐལ་པོག་པ། རྒྱ་རྗེ་ནི་བསམ་ལང་ཞིག། པུར་(བུད)མྱྀ་ནི་སྐལ་བ་རུ། རྒྱ......

530 ......ཆག་པ། མགར་མང་པོ་རྗེ་སྟག་རྩན་གྱྀ་མཆིས་བྲང། ཅོག་རོ་ཟ་ཁྱོ་དང་ལྷན་ཆིག་རྒྱ་ལ་

531 མཆིད་བླངས་པའ། །ཉེན་ཀར་ནྀ་སྟག་རྩེ་ནས། ལྕགས་ཀྱྀ་ནི་ཁྱི་བཀྱེ་ཞིང་། རྨ་འྀ་ནི་བོང་བྲ་ནས།

532 ......དུང་བརྡའ་བཏང། མེག་ལེ་ནི་གླང་མར་ནས། གསེར་གྱི་ནི་ཤ་སྨད་འདྲོགས། །འདྲོགས་སོ་ནི་

533 ......འདའས་སོ་ནྀ་ཧབ་ཆེན་གོང། འདྲིམས་སོ་ནི་པོ་རྒོ་རྩ། བསྐྱངས་སོ་ནི་ཡང་དང་སྟེངས།

534 (ན་ནིང་ནི་གཞེས)ནིང་སྔ། ཇོ་བོ་ནི་སྟག་རྩན་དང་། རྒྱ་རྗེ་ནྀ་བསམ་ལང་གཉིས། བསྡོས་ཞིང་ནྀ་ཏོ་རེ་བརྩན།

535 (དེ་རིང་ནྀ)་སང་ལྟ་ན། འབྲོང་བུ་ནྀ་སྐོས་ཐག་སྟེ། ན་རྩྀ་ནྀ་བཤོར་ལ་འཚལ། མ་ཐུན་ནི་རྒྱ་(རྗེས)སྐྲོལ(བཀྲོལ)། །