ပရမတ္ထသံခိပ်/ဝီထိပိုင်း
←ပကိဏ်းပိုင်း | ပရမတ္ထသံခိပ်ကျမ်း by ဝီထိပိုင်း |
ဘုံပိုင်း→ |
စိတ်သက်, ရုပ်သက် edit
၁၉၁။ ဖြစ်, တည်, ချုပ်လတ်၊ ဤသုံးရပ်၊ ဥပါဒ်, ဌီ, ဘင် ယူ။
၁၉၂။ ခဏငယ် သုံးချက်၊ အပေါင်းနက်၊ စိတ္ထက္ခဏယူ။
၁၉၃။ လျှပ်တပြက်တွင်၊ စိတ္တက္ခဏေ၊ အပေါင်းရေ၊ ကုဋေ တသိန်းဟူ။
၁၉၄။ ဆဲ့ခုနစ်ချက်၊ ထိုစိတ်သက်၊ ရုပ်သက် တခုယူ။
၁၉၅။ လက္ခဏ လေး၊ ဝိညတ် ဒွေး၊ ကြဉ်ရေး ရုပ်ဒွိဒူ။
စိတ်သက် ရုပ်သက် ခွဲခန်း ပြီး၏၊
------------
ပဉ္စဒွါရဝီထိ အပြား edit
၁၉၆။ ဒွါရမုတ်မျိုး၊ တဆဲ့ကိုး၊ ခေါ်ရိုး ဝီထိမုတ်။
၁၉၇။ ခြောက်ဒွါရဝယ်၊ စိတ်စဉ်ခြယ်၊ ခြောက်သွယ် ဝီထိထုတ်။
၁၉၈။ တိမဟန်နှင့်၊ မဟန်, ပရိတ်၊ တိပရိတ်၊ ဖြာစိတ် ပဉ္စဒွါ။
၁၉၉။ အတိမဟန်၊ တချက်လွန်၊ မဟန် နှစ်, သုံး သာ။
၂၀၀။ လေးက အစ၊ ကိုးတိုင်မျှ၊ လွန်က ပရိတ္တာ။
၂၀၁။ တဆယ် အာဒိ၊ ဆဲ့ငါးထိ၊ လွန် တိပရိတ္တာ။
၂၀၂။ တဒါနှင့် ဇော၊ ဝုဋ္ဌော, မောဃ၊ လေးဝါရ၊ ယှဉ်ကြ စဉ်တိုင်းသာ။
၂၀၃။ ပရိတ္တာ ထုံး၊ ဝုဋ္ဌောဆုံး၊ နှစ်, သုံး အကြိမ်သာ။
ပဉ္စဒွါရဝီထိအပြား ပြီး၏၊
-----------
ပဉ္စဒွါရဝီထိ ဖြစ်ကြောင်းများ edit
၂၀၄။ စက္ခာ, လောက၊ ရူပ ထင်ပြီ၊ မနသီ၊ လေးလီ စက္ခုဘို့။
၂၀၅။ သောတာ, ကာသ၊ သဒ္ဒ ထင်ပြီ၊ မနသီ၊ လေးလီ သောတဘို့။
၂၀၆။ ဃာန, ဝါတ၊ ဂန္ဓ ထင်ပြီ၊ မနသီ၊ လေးလီ ဃာနဘို့။
၂၀၇။ ဇိဝှာ, အာပ၊ ရသ ထင်ပြီ၊ မနသီ၊ လေးလီ ဇိဝှါဘို့။
၂၀၈။ ကာယ, ထဒ္ဓ၊ ဖောဋ္ဌ ထင်ပြီ၊ မနသီ၊ လေးလီကာယဘို့။
ပဉ္စဒွါရဝီထိ ဖြစ်ကြောင်း ပြီး၏၊
-----------------
ဝီထိ အစဉ် edit
၂၀၉။ အတီ, စလေ၊ ဥပစ္ဆေ၊ သုံးထွေ ဘဝင်္ဂ။
၂၁၀။ ဘဝင် သုံးတန်၊ အာဝဇ္ဇန်၊ ဝိညာဏ် ဒွေပဉ္စ။
၂၁၁။ သံ, သန်, ဝုဋ္ဌာ၊ ဇော သတ္တာ၊ တဒါ နှစ်ကြိမ်ကျ။
၂၁၂။ ထိုနောက် ဘဝင်၊ အများပင်၊ လေးစဉ် နုဗန္ဓ။
၂၁၃။ ပဉ္စဝိညာဏ်၊ မှီရာမှန်၊ ငါးတန် သူ့ဒွါရ။
၂၁၄။ မန္ဒ, အမန်၊ မဇ္ဈိမံ၊ သုံးတန် အာယုက။
၂၁၅။ ပဉ္စဝိဉ် ဥ၊ ဌီကိုရှု၊ ဧကုပညာသ။
၂၁၆။ တီ, ဘွင် ပြိုင် ဥ၊ မဇ္ဈိပြု၊ နှစ်ခု ရှေ့နောက်ကျ။
၂၁၇။ စိတ္တက္ခဏံ၊ တချက်လွန်၊ ဟဒံ မှီကြွင်းစု။
ပဉ္စဒွါရ ဝီထိ ပြီး၏၊
----------
အနုဗန္ဓကဝါရ edit
အတိဝိဘူတာရုံ, ဝိဘူတာရုံ, အဝိဘူတာရုံ, အတိအဝိဘူတာရုံ။ edit
၂၁၈။ ဝိဘူ လေးဖြာ၊ မနောဒွါ၊ လွန်စွာ အပြားများ။
၂၁၉။ တဒါ, ဇောနှင့်၊ ဝုဋ္ဌော, မောဃ၊ လေးဝါရ၊ ယှဉ်ကြ အစဉ်အား။
၂၂၀။ ကာမဝါရာ၊ အပ္ပနာ၊ နှစ်ဖြာ အရင်းထား။
၂၂၁။ အနုဗန္ဓက၊ သုဒ္ဓိက၊ ကာမ နှစ်ထွေပြား။
၂၂၂။ အတိတ်, သမူဟ၊ အတ္ထဒြဗ်၊ နာမ်ပညတ်၊ လေးရပ်နုဗန်ပွား။
အနုဗန္ဓကဝါရ ပြီး၏၊
-----------
ကာမသုဒ္ဓိက ဝီထိ edit
၂၂၃။ ဒိဋ္ဌံ, သုတံ၊ ဝိညာတံ၊ သမ္ဗန် ကိုယ်စီပွား။
၂၂၄။ ကာမနာမ်ရုပ်၊ မဟဂ္ဂုတ်၊ လောကုတ် ပညတ်ထား။
၂၂၅။ ပစ္စုပ်, တီတ၊ နာဂတ၊ ကာလ ဝိမုတ်ပွား။
ကာမသုဒ္ဓိက ဝီထိ ပြီး၏၊
--------------
ကာမ မနောဒွါရ ဝီထိ edit
၂၂၆။ ဘဝင် နှစ်တန်၊ အာဝဇ္ဇန်၊ ကာမံဇော သတ္တာ။
၂၂၇။ တဒါ ဒွယ၊ ဘဝင်ကျ၊ များလှ နောက်လိုက်မှာ။
၂၂၈။ ဝါရ လေးသွယ်၊ ဝေဘန်ခြယ်၊ ဝုဌ်ဝယ် နှစ်, သုံးသာ။
(ဝုဋ္ဌောကို ဝုဌ် ဆိုသည်)
ကာမ မနောဒွါရဝီထိ အပြား ပြီး၏၊
---------------
ဝိပါက နိယမ edit
၂၂၉။ ဣဋ္ဌာရုံတွင်၊ ကု-ဝိ ယှဉ်၊ တိတွင် သောမနသ်။
၂၃၀။ အနိဋ္ဌာပြိ၊ အကု-ဝိ၊ ကြိလည်း ဝိနှယ်တတ်။
၂၃၁။ ဒေါနောက်မှာမူ၊ တဒါ, ဘဝင်၊ သောမယှဉ်၊ ဥ, လျှင် အမြဲမှတ်။
၂၃၂။ သောပုဂ္ဂလ၊ ဇောဝါရ၊ ဒေါမှ နောက် ဥ-အာ။
၂၃၃။ တိဣဌ် တရပ်၊ မဟဂ္ဂတ် နှင့်၊ ပညတ် တဝ၊ ဒေါဇော ကျ၊ ဒေါမှ နောက် ဥ-အာ။
၂၃၄။ ပုဂ္ဂိုလ်ကာမ၊ ဇောကာမနှင့်၊ ကာမအာရုံ၊ သုံးချက်ဆုံ၊ တဒါရုံ၏ အခွင့်တည်း။
ဝိပါကနိယမ ပြီး၏၊
---------
ကာမဇောဝါရ နိယမ edit
၂၃၅။ အရိုး သတ်, ဆ၊ အားနည်းလှ၊ ပဉ္စ အကြိမ်သာ။
၂၃၆။ ဝသီခေါင်ဖျား၊ စျာန်နှင့်ငြား၊ လေး, ငါး နှစ်ထွေလာ။
ကာမဇောဝါရ နိယမ ပြီး၏၊
------------
အပ္ပနာဇောဝါရ edit
ပရိကံ, ဥပစာ, အနုလုံ, ဂေါတြဘု။ edit
၂၃၇။ ကာမ ရှစ်တန်၊ ကု ကြိ ဉာဏ်၊ သုံးတန် လေးကြိမ်သာ။
၂၃၈။ လေး, ငါးကြိမ်မြောက်၊ ပနာ ရောက်၊ ထို့နောက် တိ ဘွင် သာ။
၂၃၉။ သောမှာ သောချင်း၊ ဥ ဥချင်း၊ ယှဉ်လျှင်း ကာပနာ။
၂၄၀။ ကုကု, ဖိုလ် သုံး၊ ကြိ, ကြိ ရုံး၊ ထက်ဆုံး ဖိုလ် အပါ။
၂၄၁။ သော ကု နောင်ဖြစ်၊ သုံးဆဲ့နှစ်၊ ဆဲ့နှစ် ဥကု မှာ။
၂၄၂။ သောကြိ နောင်ရှစ်၊ ဥကြိ နှစ်၊ နောက်ဖြစ် ခြောက်ပနာ။
၂၄၃။ အာဒိကမ္မ၊ မဂ် ဘိည၊ ရောဓ ဆုံး ဧကာ။
၂၄၄။ မဂ်နောင် ဖိုလ်လေး၊ နှစ်, သုံးရေး၊ နိရှေး နေ,နှစ်သာ။
၂၄၅။ ဆိုပြီးသည်မှ၊ ကြွင်းသမျှ၊ များလှ ကြိမ်ပနာ။
အပ္ပနာဇောဝါရပြီ၏၊
-------------
ဘုံ၌ စိတ်ရ edit
၂၄၆။ မဟဂ်ဝိကြဉ်၊ ကာမတွင်၊ စိတ်လျှင်ရှစ်ဆယ်ရ။
၂၄၇။ ဆ ဃာနာဒိ၊ မဟာဝိ ရှစ်၊ ဒေါနှစ် တမူ၊ အရူ ဝိလေး၊ ကြဉ်ရေး နှစ်ဆယ်၊ဆနောကြွယ်၊ ခြောက်ဆယ်ကိုး ရူပ။
၂၄၈။ ဝတ္ထု ရုပ်စီ၊ မှီမမှီလစ်၊ လေးဆယ့်နှစ်ဟူ၊ အရူဝိ လေး၊ ပေါင်းထွေး တုံမြောက်၊ လေးဆဲ့ ခြောက်၊ ရမြောက် အရူပ။
ဘုံ၌ စိတ်ရပုံ ပြီး၏
------------
ဘုံ၌ပုဂ္ဂိုလ်ရ edit
၂၄၉။ ဒု, သု, ဒွိ, တိ၊ အရိယာ ရှစ်၊ တကျိပ်နှစ်၊ ပြားလစ် ဝါကရာ။
၂၅၀။ အပါယ် ဒုစ၊ လူ, စ, ဒုပစ်၊ နှစ်ဆဲ့နှစ်၊ ပေါင်းလစ် နှစ်ဆယ့်ခြောက်။
၂၅၁။ ဒု,သုမယှဉ်၊ ထက်နတ်ခွင်၊ ပေါင်းလျှင်ငါးကျိပ်မြောက်။
၂၅၂။ တိဟိတ် အရိယာ၊ ကိုးသင်္ချာ၊ ဗြဟ္မာ ဝေဟပ် ရောက်။
၂၅၃။ သညသတ်မှာ၊ သု တစ်သာ၊ သုဒ္ဓါ ထက်သုံးကောက်။
၂၅၄။ သောတာမဂ်ပစ်၊ ခုနှစ် အရိယာ၊ တိဟိတ်ပါ၊ လေးဖြာဘုံနှင့် မြှောက်။
၂၅၅။ နှစ်ရာ့တစ်ဆယ်၊ လေးယောက်ကယ်၊ အကျယ်ဘုံ တလျှောက်။
ဘုံ၌ ပုဂ္ဂိုလ်ရ ပြီး၏၊
-----------
ပုဂ္ဂိုလ်၌ စိတ်ရ edit
၂၅၆။ ဇောကိုးကြိ၊ မဟာဝိ ရှစ်၊ ဆဲ့ခွန်ပစ်၊ ဒုဖြစ် တြိန်းသတ်။
၂၅၇။ ဝိပ္ပယုတ် ဝိပါက်၊ လောင်းစွက်ပြန်လစ်၊ လေးဆဲ့တစ်၊ ဖြစ်လေ သု, ဒွိမှတ်။
၂၅၈။ သမ္ပယုတ် ဝိပါက်၊ လောင်းစွက်ပြန်ငြား၊ လေးဆဲ့ငါး၊ မှတ်သား တိဟိတ်မှာ။
၂၅၉။ မဟဂ် ကု ကြိ၊ လောင်းတုံဘိ၊ တိဟိတ် အကုန်ပါ။
၂၆၀။ မဂ္ဂဋ္ဌာန်စု၊ မဂ်လေးခု၊ ရမှု ဧက သာ။
၂၆၁။ ဒိဌ်သံ, ဝိစိ၊ ကြဉ်တုံဘိ၊ အာဒိ ဒွေဖလာ။
၂၆၂။ ဒေါကို ပယ်ပြန်၊ အနာဂါမ်၊ အကျန် သူတို့မှာ။
၂၆၃။ အကုသိုလ်နှင့်၊ ကုသိုလ်နှစ်သွယ်၊ အောက်ဖိုလ် ပယ်ဘိ၊ ဗျည်းတြိ၊ သိလေ ရဟန္တာ။
ပုဂ္ဂိုလ်၌ စိတ်ရ ဝေဘန်ခန်း ပြီး၏၊
-----------
ပိုဒ်ခုနစ်ဆယ်၊ လင်္ကာခြယ်၊ ဤဝယ် ဝီထိပြီး။ ဝီထိပိုင်း ပြီး၏၊
----------------